ترەمپ : لە یەک رۆژدا 125هەزار کەس پشکنینی کۆرۆنایان بۆ دەکرێت
دۆناڵد ترەمپ لە کۆنفرانسێکی رۆژنامەوانیدا کە درەنگانی شەوی دووشەممە بەرێوەی برد ، جەخت دەکاتەوە لەوەی ئەمریکا هەفتەیەکی قورسی لەبەردەمدایە گوتیشی “ئەگەری هەیە لە قورسیش ، قورستر بێت ، چونکە چاوەڕوانی بەرزبوونەوەیەکی بەرچاوی ژمارەی توشبووان بە کۆڤید 19 لە ئارا دایە .
هەروەها دەڵێت : لە ئێستادا ڕۆژانە پشکنینی تەندروستی بۆ 125 هەزار کەس دەکرێت و “تا ئێستاش یەک ملیۆن و 790 هەزار پشکنین ئەنجام دراوە .
ئەوە لە کاتێکدایە ئەمریکا لە ئێستادا لە ڕیزبەندیی یەکەمی جیهانیدا ، لە ڕووی رێژەی توشبووان بە ڤایرۆسی کۆرۆنا کە گەیشتۆتە زیاتر لە 363 هەزار کەس لە هاوولاتیانی ئەمریکی .
وەزارەتی تەندروستی ئەمریکاش هاوکات ئامژەی بەوە کردووە لەو ژمارەیە زیاتر لە 19 هەزار کەس چاكبوونەتەوە و زیاتر لە 10750 کەسیش بەهۆی ئەم پەتایەوە لە ئەمریکادا گیانیان لەدەستداوە.
