کۆمپانیای (جوهره البخیت)، (2 مینی پاس و 3 ئۆتۆمبێل)دەبەخشێتە تەندروستی هەولێر
![](https://xwakurk.com/wp-content/uploads/2020/04/webste-qalb-wena-36.jpg)
ئەمڕۆ چوارشەممە (ئەحمەد شهاب ئەحمەد) بەڕێوەبەری کۆمپانیای (جوهرة البخيت) بۆبازرگانی ئۆتۆمبێل بە بۆنەی بڕیارێکی تایبەتی ئەو کۆمپانیایەوە لە لایەن د.فرسەت سۆفی پارێزگاری هەولێرو دکتۆر تاریق بەڕێوەبەری گشتی ئاسایشی هەولێر و بەڕێوەبەری گشتی تەندروستی هەولێرپێشوازی لێکرا
کۆمپانیای (جوهرة البخيت) وەک ئەرکێکی مرۆیی و نشتیمانی ، پێنج ئۆتۆمبێل دەبەخشێت بە بەڕێوەبەرایەتی گشتی تەندروستی هەولێر، کە پێک دێن لە(2 مینی پاس و 3 ئۆتۆمبێلی ساڵون).
هەر بەم بۆنەوە لەلایەن پارێزگاری هەولێر دەست خۆشی و سوپاسی ئەو هەنگاوەیان کرا ،هاوکات فرسەت سۆفی بە ئاماژەدان بە بارودۆخە نەخوازراوەی ئێستا لە سەردەمی کۆرۆنادا گووتی : هیوادارین نموونەی وەک ئێوە زۆربێت لە هاریکاری کردن و هەماهەنگی کردنی کەرتی تەندروستی کە لە پێنا و بەرژەوەندی گشتی هاووڵاتیاندایە .