سەرۆکی حکومەتی هەرێمی کوردستان پرسەو سەرەخۆشی خۆی ئاراستەی بنەماڵەی هەردوو شەهید سورکێو حەمە ڕەشید و ئیسماعیل فارس رەسوول دەکات
ئەمڕۆ چوارشەممە مەسرور بارزانی سەرۆکی حکومەتی هەرێمی کوردستان لە پەیوەندیەکی تەلەفۆنیدا جیادا ، پرسە و سەرەخۆشی خۆی ئاراستەی هەردووک بنەماڵەی شەهید سورکێو حەمە ڕەشید و ئیسماعیل فارس رەسوول کرد کە دوێنێ شەو لە هێرشی تیرۆریستانی داعش بۆ سەر شارۆچکەی کوڵەجۆ شەهید بوون.
مەسرور بارزانی سەرۆکی حکومەتی هەرێمی کوردستان وێڕای دەربڕینی هاوخەمی خۆی ، ستایشی قارەمانێتی هەردوو پێشمەرگەی شەهیدی کرد لە رووبەڕووبوونەوەی تیرۆریستاندا و دڵنیایی دانێ خوێنی ئەو شەهیدانەو سەرجەم شەهیدانی کوردستان هەمیشە ڕێنوێی ڕێگای بەرەو پێشچوونی کوردستان دەبێت .
