لەرین ساڵح.. کچە پزیشکە گەنجەکەی سلێمانی لەکۆرۆنا چاکبوه‌وه
دوای ئه‌وه‌ی ڤایرۆسی كۆرۆنا له هه‌رێمی كوردستان بڵاو بووه‌وه له سه‌ره‌تای بڵاو بوونه‌وه‌ی تا ئێستا 11 په‌رستار و كارمه‌ندی ته‌ندروستی و پزیشك تووشی كۆرۆنا بوون، پاش چاكبوونه‌وه‌ی پزیشكێكی چاو له هه‌ولێر، پزیشكێكی دیكه له سلێمانی به ناوی د.لەرین ساڵح پزیشكی خولاو لەشاری سلێمانی رایدەگەیەنێت، بەتەواوی لەنەخۆشی كۆرۆنا چاكبۆتەوە و دەست بەكارەكانی دەكاتەوە.
د.لەرین ساڵح لوه پێگه‌ی تایبه‌تی خۆی له تۆڕی كۆمه‌ڵایه‌تی فەیسبووك رایگه‌یاندووه كه “دوای وەرگرتنی چارەسەری پێویست و تەواو كردنی ماوەی زانستی بڕیاردراو، سوپاس بۆ خوا من لە كۆرۆنا چاكبوومەوە و پشكنینی تایبەتی یەك لە دوای یەكم بۆ كرا نێگەتیڤ بوون”.
هەروەها نووسیویه‌تی “سوپاسی هەموو ئەوانە ئەكەم كە لە خەمی مندا بوون، من ئێستا باری تەندروستیم باشە و دەگەڕێمەوە سەر كارەكەم بۆ خزمەتی هاوڵاتیان، زۆریش خۆشحاڵم بەوەی كەس لە منەوە تووشی كۆرۆنا نەبوو”.
