١١ تووشبووی ڤایرۆسی کۆرۆنا لە هەولێر چاکبوونەوە
لە راگەیەندراوێكدا بەڕێوەبەری گشتیی تەندروستی هەولێر رایگەیاند، 11 تووشبووی ڤایرۆسی كۆرۆنا لە سنووری ئەو پارێزگایە بە تەواوی لە پەتاكە چاكبوونەتەوە و رەوانەی ماڵەوە دەكرێنەوە.
دەقی راگەیەندراوەكەی بەڕێوەبەری گشتی توندروستیی هەولێر:
- هاوڵاتیانی خۆشەویستی شاری هەولێر پێتان ڕادەگەیەنین کە (۱۱) نەخۆشی تووشبوو بە ڤایرۆسی کۆڕۆنا COVID – 19 دوای وەرگرتنی چارەسەری پزیشکی بەتەواوی چاکبوونەتەوە و باری تەندروستییان تەواو جێگیر بۆتەوە، وە پشکنینی تایبەتی یەکیان لەدوای یەکی بۆ کرایەوە کە نێگەتیڤ بوو و بڕیاردرا بنێردرێنەوە ماڵەوە.
- کۆی گشتی چابووەکان گەیشتە (٥۲) کەس.
- سوپاسی پابەندبوونتان دەکەین بۆ ڕێنماییە.
خۆپارێزییەکان، جێبەجێکردنی ڕێنماییەکان زامنی زاڵبوونمانە بەسەر ئەم پەتا جیهانیە.
- زۆر سوپاسی ماندووبوونی تەواوی پزیشکان و کارمەندانی تەندروستی و تەواوی هێزەکانی ناوخۆ دەکەین کە پارێزگاری لە تەندروستی هاوڵاتیان دەکەن.
د.دلۆڤان محمد فاتح جلال
بەڕێوەبەری گشتی تەندروستی هەولێر
۱۲ی نیسانی ۲٠۲٠
