بەرپرسی ئاسایشی سەیران بەند: لە دۆسیەی مستەفا سەلیمی من ئەرکی خۆم بەجێگەیاندووە ئاگاداری ناوەرۆکی کێشەی سەلیمی نیم
شێخ ئاوات نزاره: من ته‌نها فه‌رمانم جێبه‌جێ کردووه
دوای ئەوەی مستەفا سەلیمی لە زیندانی سەقز دوای ١٧ ساڵ زیندانی رایکردوو لە ناوچەوی پێنجوێنی باشوری کوردستان لە لایەن هێزێکی سەر بەیەکێتی رادەستی ئێران کراو لەسێدارەدرا، ئەمەش کاردانەوەی گەورەی بەدوای خۆیدا هێنا، بەرپرسی ئاسایشی یەکێتیش لە پێنجوێن رایدەگەیێنێت کە ئەو ئەرکی خۆی بەجێهێناوە.
شێخ ئاوات شێخ جه‌مال نزاره، به‌رپرسی ئاسایشی خاڵی سنووریی “سه‌یران به‌ند” لە بارەی رادەستکردنی مستەفا سەلیمی رایگه‌یاندووه: من هیچ په‌یوه‌ندیم به ناوه‌ڕۆکی قه‌زیه‌ی (مسته‌فا سه‌لیمی) نییه و ته‌نها وه‌ک به‌رپرسیارێتیم فه‌رمانم جێبه‌جێ کردووه.
بەرپرسی ئاسایشی سەیران بەند راشیگەیاندووە، لەگەل ئەوەی فەرمانی سەرووی خۆم جێبەجێکردووە خەریکە دەکرێمە قوربانی مڵملانێ سیاسیەکان.
شێخ ئاوات به نووسینگه‌ی بافڵ تاڵه‌بانی وتووه: هه‌موو زانیارییه‌ک لای براده‌رانی ده‌زگایه “مه‌به‌ستی ده‌زگای زانیارییه” و منیش و عه‌مید (کامه‌رانی عه‌تێ- لێپرسراوی معاونیه‌تی ئاسایشی پێنجوێن) به فه‌رمانی سه‌رووی خۆمان ئه‌و ئه‌رکه‌مان جێبه‌جێ کردووه.
