22 تووشبووی ڤایرۆسی کۆرۆنا لە هەولێر چاکبوونەوە
بەرێوەبەری تەندروستی هەولێر ، د.دلۆڤان محەممەد فەتاح لە لێداوانێکدا بۆ راگەیاندنەکان ئاشکرای دەکات بە خۆشحاڵییەوە ڕایدەگەیەنین 22 هاووڵاتی شاری هەولێر کە تووشبووی ڤایرۆسی کۆرۆنا ببوون ، بە تەواوی باری تەندروستیان جێگیرەو ڕەوانەی ناو بنەماڵەکانیان کراونەتەوە .
هەموو 22 کەسەکە پشکنینی کۆتایی ڤایرۆسی کۆڤید 19 یان بۆ کراوە و ئەنڤامئ گشتییان نێگەتیڤ دەرچووە .
بە پێی ئەو ئامارە کۆی گشتی چاک بوونەوەکان گەیشتۆتە 74 کەس
دەقی ڕاگەیەندراوەکە
- هاوڵاتیانی خۆشەویستی شاری هەولێر پێتان ڕادەگەیەنین کە (۲۲) نەخۆشی تووشبوو بە ڤایرۆسی کۆڕۆنا COVID – 19 دوای وەرگرتنی چارەسەری پزیشکی بەتەواوی چاکبوونەتەوە و باری تەندروستییان تەواو جێگیر بۆتەوە، وە پشکنینی تایبەتی یەکیان لەدوای یەکی بۆ کرایەوە کە نێگەتیڤ بوو و بڕیاردرا بنێردرێنەوەماڵەوە.
- کۆی گشتی چابووەکان گەیشتە (۷٤) کەس.
- سوپاسی پابەندبوونتان دەکەین بۆ ڕێنماییە
خۆپارێزییەکان، جێبەجێکردنی ڕێنماییەکان زامنی زاڵبوونمانە بەسەر ئەم پەتا جیهانیە.
- زۆر سوپاسی ماندووبوونی تەواوی پزیشکان و کارمەندانی تەندروستی و تەواوی هێزەکانی ناوخۆ دەکەین کە پارێزگاری لە تەندروستی هاوڵاتیان دەکەن.
د.دلۆڤان محمدفاتح جلال
بەڕێوەبەری گشتی تەندروستی هەولێر
۱۳ی نیسانی ۲٠۲٠
