به‌په‌له‌.. لیژنه‌ی لێکۆڵینه‌وه‌که‌ راگیرا

بەگوێرەی زانیاریەكانی دەستی دەزگای میدیایی خواكوڕك كەوتووە، لێژنەی لێكۆلینەوەی بافل تاڵەبانی كە لەبارەی تەسلیم كردنی مستەفا سەلیمی دروست كراوە راگیرا”.

سەرچاوەیەكی ئاگادار بە دەزگای میدیایی خواكورك رایگەیاند”بافڵ تاڵه‌بانی، به‌ سه‌رۆکایه‌تی (خه‌سره‌و گوڵ محه‌مه‌د) لیژنه‌یه‌کی لێکۆڵینه‌وه‌ی پێکهێنابوو، دوای ئه‌وه‌ی گه‌یشتنه‌ ئه‌و ئه‌نجامه‌ی (مسته‌فا سه‌لیمی) به‌ فه‌رمانی (لاهور جه‌نگی) راده‌ستی ئێران کراوه‌ته‌وه‌، کاری لیژنه‌که‌ راگیرا.

سەرچاوەكە گوتیشی” ئێستا له‌ هه‌وڵی ئه‌وه‌دان چه‌ند به‌رپرسێکی ئاسایش سزا بده‌ن، بۆ ئه‌وه‌ی که‌یسه‌که‌ له‌سه‌ر لاهور لابده‌ن و بڵێن ته‌سلیم کردنه‌وه‌ی (مسته‌فا سه‌لیمی) به‌ بڕیاری شه‌خسی بووه‌ له‌ پێنجوێن نه‌ک بڕیاری لاهور جه‌نگی.