هه‌ڵه‌بجه : تووشبوویەكی تری ڤایرۆسی كۆرۆنا بووەوە
بەڕێوەبەری گشتی تەندروستی هەڵەبجە ڕایگەیاند، تووشبوویەكی تر لە هەڵەبجە چاك بووەتەوە و ڕەوانەی ماڵ كرایەوە.
ئازاد مستەفا، بەڕێوەبەری تەندروستیی هەڵەبجە بڵاوی كردووەتەوە، توشبووەکە کوڕێکی هه‌شت ساڵانە دوای چاکبوونەوەی نەخۆشخانەی بەجێهێشتووە و رەوانە ماڵەوە کراوەتەوە.
روونیشیکردووەتەوە، تا ئێستا نۆ توشبوو لە هەڵەبجە لە ڤایرۆسەکە چاکبوونەتەوە و خوازیارن ئەوانی دیکەش بە زووترینکات چاک ببنەوە.
كۆی گشتی تووشبووان بە ڤایرۆسی كۆڕۆنای نوێ COVID-19 لە هەرێمی كوردستان گەیشتە 334 تووشبوو، لەناویاندا چوار مردن هەیە و 210 نەخۆش چاك بوونەتەوە.
