حکومەت لە سەر چۆن دابەشکردنو بەخشینی هاوکاریەکان روونکردنەوە دەدات
لە روونکردنەوەیەکدا فه‌رمانگه‌ی میدیا و زانیاری حكومه‌تی هه‌رێمی كوردستان سەبارە ت بە چۆن یارمەتیکردنەکانی قەیرانی کۆرۆنا بۆ هاووڵاتیان ئاشکرای دەکات ، هەموو هاوکاریەکان دەداتە هەژمارەی ناوەندی ئەنجومەنی وەزیران .
هەر لەو روونکردنەوەدا هاتووە تا ئێستا 20 ملیۆن و 500 هه‌زار دۆلار، وەی یارمەتی نەقدینە خراوه‌ته سه‌ر هه‌ژماری ناوه‌ندی، بۆ كڕینی ده‌رمان و خۆراك و به‌شێكیشی به گوێره‌ی ژماره‌ی دانیشتووان به‌سه‌ر پارێزگاكان دابه‌ش ده‌كرێت و بەردەوامیش دەبن .
.هاوکات ئاماژە بەو یارمەتییە دەکات کە لە بەغداوە ڕەوانە کراوە و دەنووسێت ئەنجومەنی وەزیران نووسراوی کردووە بۆ وەزارەتی دارایی بۆ ئەوەی بەسەر پارێزگاکان دابەش بکرێت”.
ده‌قی روونكردنه‌وه‌كه:
“وردەکاری هاوکارییه‌كان بۆ حکومەتی هەرێمی کوردستان تایبه‌ت بە پەتای کۆرۆنا
ئەو ھاوکارییانەی لە کاتی قەیرانی کۆرۆنادا گەیشتوونەتە دەست حکومەتی هەرێم بەم شێوەی خوارەوەیە:
یەکەم: کۆمەك (تبرعات)
تاكو ئێستا 20 مليۆن و 500 هه‌زار دۆلار کۆمەك خراوه‌ته سه‌ر هەژماری ناوەندی ئەنجومەنى وەزيران، ئەم پارەیە بۆ كڕينى خۆراك ودەرمان تەرخان دەکرێ، دواتر بەسەر هەموو پارێزگاکانی ھەرێم بە پێی رێژەی دانیشتووان دابەش دەکرێت.
دووەم: بەغدا 3 مليار و 500 ملیۆن دينارى ناردووە، ئەنجومەنی وەزیران نووسراوی کردووە بۆ وەزارەتی دارایی بۆ ئەوەی بەسەر پارێزگاکان دابەش بکرێت.
سێیەم: رێکخراوی WHO هيچ بڕە پارەیەکی کۆمەك نەكردووە، تەنها هەندێك ئامێر و کەرەستەی تەندروستی رادەستی وەزارەتی تەندروستی کردووە.
چوارەم: ئەنجومەنی وەزیرانی عێراق بڕيارى داوه (600) مليار دينار بەسەر خەڵكى هەژار دابەش بکات، ھەرێمی کوردستان بە فەرمی نووسراوی كردووە، بەڵام تاوەکو ئێستا هيچ بڕە پارەیەکی بۆ هەرێم نەناردووە.
فەرمانگەی میدیا و زانیاری
حکومەتی هەرێمی کوردستان
16 نیسانی 2020”
