له‌ 24 كاتژمێی رابردوو 19 كه‌س له‌ عێراق تووشی ڤایرۆسی كۆرۆنا بوون

دوای ئه‌وه‌ی ڤایرۆسی كۆرۆنا له‌ جیهاندا بڵاوبووه‌وه‌ عێراقیش یه‌كێكه‌ له‌و وڵاتانه‌ی كه‌ زیاتر له‌ هه‌زار حاله‌تی تووش بوون به‌ ڤایرۆسی كۆرۆنای تێدا تۆماركراوه‌، به‌ پێی ئاماره‌كانی وه‌زاره‌تی ته‌ندروستی و ژینگه‌ی عێراق، له‌ ماوه‌ی 24 كاتژمێری رابردوو له‌ سه‌رتاسه‌ری عیراق به‌ پارێزگاكانی هه‌رێمی كودرستانیشه‌وه‌ 19 حاڵه‌تی نوێی توشبون به‌ ڤایرۆسی كۆرۆنا تۆمار كراوه‌و یه‌ك حاڵه‌تی گیانله‌ده‌ستدانیش تۆماركراوه‌.

وه‌زاره‌تی ته‌ندروستی و ژینگه‌ی عیراق رایگه‌یاندووه‌ كه‌  “له‌ ماوه‌ی 24 كاتژمێری رابردوودا 19 حاڵه‌تی توشبون به‌ ڤایرۆسی كۆرۆنا تۆماركراون، كه‌ حه‌وت له‌ به‌غدا، 1 له‌ سلێمانی، و 2 وله‌ هه‌له‌بجه‌ و چوار له‌ میسان، یه‌ك له‌ واست، یه‌ك كه‌س له‌ به‌سڕه‌، یه‌ك كه‌س له‌ كه‌ربه‌لا، له‌ موسه‌نا و نه‌ینه‌واش یه‌كی یه‌ك حاڵه‌ت تۆماركراوه‌”.

وه‌زاره‌تی ته‌ندورستی ئاماژه‌شی به‌وه‌كردووه‌ كه‌  “یه‌ك توشبووی كۆرۆنا له‌ پارێزگای به‌غداد به‌ نه‌خۆشییه‌كه‌ گیانیله‌ده‌ستداوه‌و جگه‌ له‌وه‌ش 44 توشبووی نه‌خۆشییه‌كه‌ چاكبوونه‌ته‌وه‌، به‌جۆرێك 4 كه‌س له‌ به‌غداد، 1 كه‌س له‌ سلێمانی، 28 له‌ هه‌ولێر، 4 له‌ كه‌ربه‌لا، 6 له‌ به‌سڕه‌، 1 كه‌سیش له‌ كه‌ركوك”.

جێی باسه‌ تائێستا هه‌زار و 434 كه‌س توشی كۆرۆنا بون له‌و ژماره‌یه‌ش 80 كه‌س گیانیان له‌ده‌ستداوه‌ و 856 كه‌سیش چاكبونه‌ته‌وه‌.