شاندێكی حكومه‌تی عێراقى گه‌یشته هه‌ولێر
شاندێكی شانه‌ی ڕووبەڕووبونەوەی ڤایرۆسی كۆرۆنا به سه‌ردانێك گه‌یشتنه هه‌رێمی كوردستان، بڕیاره لەگەڵ بەرپرسانی هەرێم كۆ ببنەوە.
كەمێك لەمەوبەر شاندێكی عێراق به‌سه‌رۆكایه‌تی حه‌سه‌ن كه‌عبی، جێگری یه‌كه‌می سه‌رۆكی په‌رله‌مان گه‌یشته شاری هه‌ولێر و بڕیاره شانده‌كه له‌گه‌ڵ به‌رپرسانی هه‌رێم كۆببێته‌وه.
بەگوێرەی زانیارییەكانی ده‌زگایی میدیایی (خواكوڕك)، ئه‌جێندای سه‌ردانی شانده‌كه‌ی عێراق بۆ هه‌رێم، بۆ تاوتوێكردنی پرسی ڕوبه‌ڕوبونه‌وه‌ی ڤایرۆسی كۆرۆنا و هاوكاریكردنی حكومه‌تی عێراق و حكومه‌تی هه‌رێمه له‌و بابه‌ته‌دا.
هاوكات شانده‌كه پێداویستییه‌كانی هه‌رێم له‌پرسی ڕوبه‌ڕوبونه‌وه‌ی كۆرۆنا وه‌رده‌گرێت و دواتر پێشكه‌شی حكومه‌تی عێراقی ده‌كات.
