لاهور جه‌نگی: كوڕانی جه‌لال تاله‌بانی چاره‌نووسی كۆسره‌ت ره‌سوڵ یان ده‌بێت ئه‌گه‌ر له قسه‌م ده‌ربچن
دوای ئه‌وه‌ی یه‌كێتی له كۆنگره‌ی چواره‌می حزبه‌كه‌ی سیسته‌می سه‌رۆكایه‌تی كرده هاوسه‌رۆكی هه‌ریه‌كه له بافێل تاله‌بانی و لاهور جه‌نگی وه‌ك هاوسه‌رۆكانی یه‌كێتی هه‌ڵبژارد، چاودێرێكی سیاسی چه‌ند زانیاریه‌كی ورد له باره‌ی كۆنگره‌كه ئاشكرا ده‌كات و رایده‌گه‌یه‌نێت كه یەکێتی بە تەوافقی ناراستەوخۆی بەریتانیا و ئێران توانی سەرۆکایەتی نوێ بۆ خۆی ھەڵبژێرێ، ماڵی تاڵەبانی نوێنەرایەتی باڵە بەریتانیەکە دەکەن ، لاھور جەنگی و براکانیشی نوێنەرایەتی سوپای پاسداران دەکەن.
چاودێرێكی سیاسی له باره‌ی دۆخی ئێستاو ئاینده‌ی یه‌كێتی ده‌نوسێت: دوای ئەوەی سەرکردە کۆنەکانی یەکێتی لاتەریک کران، لاھور لە قۆناغی ئایندەدا، ھەوڵی تەواو دەدات کوڕانی تاڵەبانیش بەھەمان چارەنوسی سەرکردە کۆنەکان بگەیەنێت.
ئه‌و چاودێره‌ی سیاسی ده‌شنوسێت كه ئەو شەڕفرۆشتنەی ئێستای لاهور بە پارتی بۆ چەند ئامانجێکە لە خوارەوە رونتری دەکەمەوە: لاھور کاردەکات بۆ زیاتر لاوازکردنی کاک قوباد تاڵەبانی لەناو رێکخستنەکانی یەکێتی، بەم کار و سەرەرۆییانەی لاھور، پێگەی کاک قوباد لەناو حکومەتیش لاواز دەبێ ، لەبەرامبەردا لاھور بەم کارانەی، پێگەی خۆی لەناو یەکێتی بەھێزتر دەکا، سەبارەت بە کاک پاڤاێلیش، چەندین جار لاھور لەناو بازنە داخراوەکانی خۆیدا گوتویەتی(پاڤێل تەنھا پارەی لا گرنگە، بۆیە منیش لەم روەوە درێخی لەگەڵ ناکەم)!.
هه‌روه‌ها ده‌شنوسێت ئەوەی لاھور مەبەستیەتی، کوشتنی دوو چۆلەکەیە بەیەک بەرد، ھەم لەناو حکومەت لاوازیان دەکات و ھەم لەناو یەکێتی، خۆشی بەھێزتر دەکا.
له به‌شێكی دیكه‌ی وتاره‌كه‌یدا ئه‌و چاودێره ده‌شڵێت: ئێستا لاھور توانیویەتی کۆنتڕۆڵی جومگەی سەربازی و ئەمنی یەکێتی بکات لەرێی پۆلادی برایەوە، برایەکی تریشی میدیاکانی یەکێتی ئاراستە دەکات، ئاراس جەنگی براشی لە سەرۆکایەتی کۆمار داناوە، ھەم بۆ وەک کۆنتڕۆلکردنی دکتۆر بەرھەم صاڵح و ھەم بۆ ئەوەی لە قۆناغی ئایندە لەشوێنی بەرھەم صاڵح دایبنێ!
هه‌روه‌ها له كۆتای نووسینه‌كه‌یدا ده‌لێت: تا ھێرۆ ابراھیم احمد لەژیان مابێ لاھور ناتوانێ بەزەقی کارەکان ئەنجام بدات بەڵام دوای نەمانی ئەو، بەتەواوی دەست بەسەردارایی یەکێتیشدا دەگرێ و رۆڵی کۆڕانی تاڵەبانی کۆتایێ پێ دەھێنێ.
