بەرێوەبەری تەندروستی هەولێر : نۆ تووشبووی دیکەی ڤایرۆسی کۆرۆنا چاکبوونەوە
د.دلۆڤان محەممەد فاتح جەلال بەڕێوەبەری گشتی تەندروستی هەولێر ئاشکرای دەکات ٩ تووشبووی تری ڤایرۆسی کۆرۆنا ، لەدوای پشکنینی کۆتایی رەوانەی ماڵەوە کرانەوە و هیچ ئاسەوارێکی ڤایرۆسەکە لە جەستەیاندا بەدی نەکرا .
لە دوای ئەوە تەندروستی هەولێر ڕاگەیاندراوێکی فەرمی لەمبارەوە بڵاو کردەوە
دەقی راگەیێندراوەکەی تەندروستی هەولێر
ڕاگەیەندراوێک بۆ هاوڵاتیانی شاری هەولێر
- هاوڵاتیانی خۆشەویستی شاری هەولێر پێتان ڕادەگەیەنین کە 9 نەخۆشی تووشبوو بە ڤایرۆسی کۆڕۆنا COVID – 19 دوای وەرگرتنی چارەسەری پزیشکی بەتەواوی چاکبوونەتەوە و باری تەندروستییان تەواو جێگیر بۆتەوە، وە پشکنینی تایبەتی یەکیان لەدوای یەکی بۆ کرایەوە کە نێگەتیڤ بوو و بڕیاردرا بنێردرێنەوەماڵەوە.
- کۆی گشتی چابووەکان گەیشتە 134 کەس.
- سوپاسی پابەندبوونتان دەکەین بۆ رێنماییە خۆپارێزییەکان، جێبەجێکردنی رێنماییەکان زامنی زاڵبوونمانە بەسەر ئەم پەتا جیهانییە.
- زۆر سوپاسی ماندووبوونی تەواوی پزیشکان و کارمەندانی تەندروستی و تەواوی هێزەکانی ناوخۆ دەکەین کە پارێزگاری لە تەندروستی هاووڵاتیان دەکەن.
د.دلۆڤان محمدفاتح جلال
بەڕێوەبەری گشتی تەندروستی هەولێر
۲٠ی نیسانی ۲٠۲٠
