ئێران بەئاشكرا دژایەتی هەرێمی كوردستانی راگەیاندوو چاوەرێی شەڕ دەكرێت
خواكوڕك
ئێران هەموو جۆڕە كارتێك دژی هەرێمی كوردستان بەكار دێنێت، دواین لێدوانی مالیكی لە ئێرانەوە دژی هەرێمی كوردستان روونی كردنەوەی رای ئێرانە بەرامبەر بەهەرێمی كوردستان كە دەبێت كوردەكان تا سنوری پێش روخانی رژێمی سەدام حسین پاشەكشە بكەن، لەبەرامبەدا هەرێمی كوردستانیش پێشتر گوتبووی بەخوێن خاكی كوردستانمان رزگار كردووە و بەهیچ شێوەیەكیش ناكشێنیەوە، پێشتر فەرماندەیەكی سەربازی پێشمەرگە حەمید ئەفەندی بەرپرسی میحوەری باشیک دەڵێ، ئەوەی ئێستا ناوی دەبەن بە سنووری هەرێمی کوردستان و پێشمەرگە لێی جێگیرە، ئەمە تەواوی سنوور نییە، چونکە سنووری هەرێمی کوردستان تاسەر رووباری مووسڵ دەچێت.
نوری مالیكی لەلێدوانێكی دا لەتارانی پایتەختی ئێران رایگەیاند پێویستە پاش شەڕی موسڵ پێشمەرگە راستەوخۆی ناوچەكە بۆ پێش شەڕی داعش و روخانی رژێمی بەعس چۆڵ بكات لەبەرامبەردا فەرماندەیەكی سەربازی دەلێت زۆرجار گوێبیست دەبین کە ئەو خاکەی ئێستا پێشمەرگە لێی جێگیرە ئەمە سنووری کوردستانە، راستە پێشمەرگە سەنگەری لێداوە و لێی جێگیر بووە، بەڵام ئەمە هەموو سنوور نییە، بەڵکوو سنووری هەرێمی کوردستان تاسەر رووباری مووسڵ دەچێت، هەروەها حەمید ئەفەندی گوتیشی، بۆ دیاریکردنی سنووری ھەرێمی کوردستان پێویستە رێککەوتن بکرێت، چونکە ئەوەی ھەیە سنوور نییە، بەڵام ھێزی پێشمەرگە ئەو ناوچانەی رزگاریکردوونە بەھیچ شێوەیەک لێی ناکشێتەوە و تێیدا جێگیر بووە و هێشتا سنووری ئێمە ماوە.
چاودێرانی سیاسی پێان وایە ئەمە شەڕی ناراستوخۆی ئێران و هەرێمی كوردستانە، بەڵام ئەگەر ئێران پێی وابێت لەرێگای شیعەكانی ناو عێراق شەڕی كورد دەكات ئەوە بێگومان هەرێمی كوردستانیش لەرێگای كوردەكانی ناو ئێران شەڕی خۆی دەكات، ئەگەرچی كوردەكانی ناو ئێران دەستیان بەشەڕ كردووە و ئەگەر هەیە، شەڕی حزبی دیموكراتی كوردستانی ئێران پێش حشدی شەعبی لەگەڵ هەرێمی كوردستان دەست پێ بكات، بەڵام ئەم هەنگاوە بۆ ئێران مەترسیدار دەبێت چونكە شەڕی حشدی شەعبی لەگەڵ هەرێمی كوردستان بەپێی رێكەوتنی ئەمریكا لەگەڵ كوردستان ئەمریكا پابەندی هاوكاری هەرێمی كوردستان دەكات، لەبەرامبەردا شەڕی ناوەخۆی ئێران ئیزافە دەبێت كە ئەگەری هەیە ئەو شەڕە بگۆڕێت بۆ راپەرین سەرتاسەری كوردەكانی رۆژهەڵاتی كوردستان بۆ مافی رەوای خۆیان وەك هەر پارچەیەكی تری كوردستان.
