وەزارەتی تەندروستی عێراق نوێترین ئاماری تایبەت بە کۆرۆنای بڵاو کردەوە

وه‌زاره‌تی ته‌ندروستی و ژینگەی عێراق لە ئاماری نوێی تایبەت بە ڤایرۆسی کۆرۆنا باس لە 24 كاتژمێری رابردوو دەکات و  تووشبوون، مردن و چاكبوونه‌وه‌ی ڤایرۆسی كۆرۆنای له‌ سه‌رانسه‌ری وڵات به‌ پارێزگاكانی هه‌رێمی كوردستانیشه‌وه‌  ئاشکرا دەکات .

وەک لە ڕاگەیاندراوەکەدا هاتووە ، پشكنینی پزیشكی بۆ هه‌زار و 104 گومانلێكراو كراوه‌ و له‌ ئه‌نجامه‌كاندا 55 حاڵه‌تی نوێی تووشبوون به‌‌م شێوه‌یه‌ی خواره‌وه‌ تۆماركراون

.

– به‌غدا/ روسافه‌: 29 حاڵه‌ت

– به‌غدا/ كه‌رخ: 1 حاڵه‌ت

– به‌غدا/ شاری پزیشكی: 3 حاڵه‌ت

– به‌سره‌: 12 حاڵه‌ت

– موسه‌ننا: 2 حاڵه‌ت

– زیقار: 3 حاڵه‌ت

– سلێمانی: 2 حاڵه‌ت

– دهۆك: 2 حاڵه‌ت

– هه‌ولێر: 1 حاڵه‌ت

راگه‌یه‌ندراوه‌كه‌ی وه‌زاره‌تی ته‌ندروستی عێراق جه‌خت ده‌كاته‌وه‌، له‌ ماوه‌ی 24 كاتژمێری رابردوودا هیچ حاڵه‌تێكی مردن به‌هۆی كۆرۆنا تۆمارنه‌كراوه‌، له‌كاتێكدا ئاماژه‌ به‌ چاكبوونه‌وه‌ی 20 تووشبوو به‌م شێوه‌یه‌ی خواره‌وه‌ ده‌دات:

– نه‌جه‌ف: 4 حاڵه‌ت

– سلێمانی: 2 حاڵه‌ت

– هه‌ولێر: 1 حاڵه‌ت

– به‌سره‌: 11 حاڵه‌ت

–  زیقار: 2 حاڵه‌ت

هاوکات لە ڕگەیاندراوەکەدا ئاماژە بەوە دەکات  تا ئێستا هه‌زار و 763 حاڵه‌تی تووشبوون به‌ په‌تاكه‌ تۆماركراون، له‌و ژماره‌یه‌ش 86 كه‌س گیانیان له‌ده‌ستداوه‌، له‌كاتێكدا تا ئێستا هه‌زار و 224 كه‌س به‌ ته‌واوی له‌ ڤایرۆسه‌كه‌ رزگاریان بووە