بەڕێوەبەری تەندروستی هەڵەبجە: سەرجەم توشبوانی کۆرۆنا لە پارێزگاکە چاکبونەتەوە
بەڕێوەبەری گشتی تەندروستی هەڵەبجە رایگەیاند، ئەمڕۆ دوایین توشبوی کۆرۆنا لە پارێزگاکە ڤایرۆسەکەی پەڕاندوە و گەڕێندراوەتەوە ماڵەوە.
ئازا مستەفا لەكۆنگرەیەكی رۆژنامەوانیدا ئاماژەی بەوەكرد، سەرجەم توشبوانی ڤایرۆسەکە چاکبونەتەوە کە ژمارەیان 22 کەس بووە.
بەڕێوەبەری گشتیی تەندروستی هەڵەبجە گوتی، ئێستا هیچ تووشبوویەكی ڤایرۆسی كۆرۆنا لە هەڵەبجە نەماوە و داوا لە هاووڵاتییان دەكەین زیاتر خۆیان بپارێزن تا رووبەڕووی شەپۆلێكی تری كۆرۆنا نەبینەوە.
ئێستا لە هەرێمی كوردستان كۆی گشتی تووشبووان 344 هاووڵاتییە و لەو ژمارەیە 320 نەخۆش چاك بوونەتەوە و چوار كەسیش گیانیان لە دەست داوە.
