سەرۆکی فراکسیۆنی پارتی: بڕینی مووچەی فەرمانبەرانی هه‌رێم کارێکی سیاسییە نه‌ك یاسایی
د. ڤیان سەبری سەرۆکی فراکسیۆنی پارتی دیموکراتی کوردستان لە بەغدا بە کوردستان24ـی راگەیاندووه، کێشەی نەناردنی پارەی مووچەخۆرانی هەرێم پرسێکی سیاسییە نەک یاسایی.
راشیده‌گه‌ێنێت ، بەگوێرەی بنەماکانی بودجەی عێراق، ناردنی پارەکە کێشەی تێدا نییە، بەڵکو ئێستا ماددەی 27ی چادوێری دارایی عێراق باس دەکەن، کە بەگوێرەی ئەو ماددەیەش، باس لە بڕینی بەشە بودجەی هەرێم نەکراوە، بەڵکو تیایدا هاتووە، دەبێت هەردوولا لەبارەی خەرجییەکانیان کۆببنەوە و لەسەر ئەو بنەمایە بودجە دابنرێت، ئەم هەفتەیە شاندەکەی حکومەتی هەرێمی کوردستان دووبارە سەردانی بەغدا دەکاتەوە.
د. ڤیان سەبری ده‌شڵێت ، بڕینی مووچەی فەرمانبەرانی هەرێم کارێکی سیاسییە و دژی بنەماکانی دەستوورە. ئەوان ماددەی 27ـیان کردووەتە بیانو کە ئەو ماددەیە باس لە بڕینی بەشە بودجەی هەرێم ناکات.
