ژووری ئۆپەراسیۆنەکانی پارێزگای دهۆک روونکردنەوەیەک ئاراستەی هاووڵاتیان دەکات

لە روونکردنەوەیەکدا ژووری ئۆپەراسیۆنەکانی دهۆک دەڵێت ئەو هاووڵاتیانەی لە زاڵگەی خەتارێ مابوونەوە، بە مەرج و رێكاری تەندروستی رێگەیان دراوە بگەڕێنەوە پارێزگای دهۆك.

ئەو هاووڵاتیانە کە پێشترلە بەغدا گەربوونەوە پاریزگای دهۆک بە هۆی یاسای بەرەنگاری کۆرۆنا رێگەیان پێنەدرابوو بچنەوە ناو پاریزگا بەڵام ئەمڕۆ ئەو کێشەیە چارەسەرکرا .

هەر لە روونکردنەوەکەدا داوا لە هاووڵاتیان کراوە ، بۆ هاتنە ناوەوەی پاریزگاکە پێویستە رەزامەندی رێگەپێدانی ئەلەکترۆنئ وەزارەتی ناوخۆیان پێبێت .

دەقی روونكردنەوەكەی ژووری ئۆپەراسیۆنی پارێزگای دهۆك:

“(رۆھنکرنەک ژ ژوورا ئوپەراسیونا پارێزگەها دهوکێ)

ژبو پاراستنا ساخلەمیا خەلکێ پارێزگەها دهوکێ وپێخەمەت جێ بەجێکرنا بریارا قەدەغەكرنا هاتن و چوونێ  دناڤبەرا پارێزگەهان و بتايبه ت پارێزگەها دهوكێ و نەینەوا، هنده ك هاوڵاتیێن خوجهێن پارێزگەها دهوكێ ل زالگه ها خەتارێ ماینە.

وەکو ئەرکەکێ نيشتيمانى و مروڤایەتی مە ب فەر دیت کو رێک بهێتە دان بو هاتنا وان بو پارێزگەها دهوکێ ولپەی پێرابوونێن ساخلەمیێ.

ئاگەهداریا وان هاولاتیان دکەین یێن کو دڤێن بهێنە ناف پارێزگەها دهوکێ برێکا زالگەها ئاماژەپێکری کو ئەف زالگەهە دێ هێتە گرتن بەرامبەر هاتنێ بو ناڤ پارێزگەهێ هەر ژ رێکەفتی ٢٨-٤-٢٠٢٠ تاکو ٥-٥-٢٠٢٠ وبتنێ رێک دێ هێتە دان بو چوونێ بەرەف پاریزگەها نەینەوا بو کارێن بازرگانی وحالەتێن فەر یێن دەستویردای ژلایێ ژوورا ئوپەراسیونا پارێزگەها دهوکێ ڤە.

کارێ ئاماژە پێکری دێ هێتە ئەنجامدان لدیف داخازیا رێڤەبەریا گشتی یا ساخلەمیا پارێزگەها دهوکێ بو مەرەما زێدەتر لێگەریان دیفچوون وکونترول کرنا تیمێن ساخلەمیێ  پێخەمەت زانینا ژێدەرێن پەیدابوونا توشبوویێن نوی ب فایروسێ کورونا لپارێزگەها دهوکێ.

سوپاس بو ئاسايشا دهوكێ بتايبه ت تیمێن زالگه ها خەتارێ  بو ئەنجامدانا کارێ روژانە برەنگەکێ رێک وپێک بو خزمەت کرنا هاولاتیان.

ژوورا ئوپەراسیونا پارێزگەها دهوکێ

٢٧ـ٤ـ٢٠٢٠”