چی بەسەر لەشتدا دێت ئەگەر چیتر گۆشتی سور نەخۆیت؟
ماڵپەڕی “webteb”ی تایبەت بە بابەتی تەندروستی باسی کاریگەری دوورکەوتنەوە لە خواردنی گۆشتی سور و سودەکانی دەکات.
1-دابەزینی ئاستی کۆلیسترۆڵی خوێن:
گۆشت بڕێکی زۆر چەوری تێرکەری تێدایە کە لەناو لەشدا دەگۆڕێت بۆ کۆلیسترۆلی زیانبەخش، لەکاتی بەرزبوونەوەی ئاستی کۆلیسترۆل لەناو خوێنبەرەکاندا ئەگەری توشبوون بە جەڵتەی دڵ و مێشک زیاد دەکات.
2-ئەگەری توشبوون بە جۆری دووەمی شەکرە کەم دەبێتەوە:
چەوری ئاژەڵ ئاستی ئیلتیهابی ناو لەش بەرز دەکاتەوە و دەبێتە هۆی زیادبوونی کێش، هەروەها سۆدیۆمی ناو گۆشتی قتوو کاری هۆڕمۆنی “ئەنسۆلین” لاواز دەکات.
3-پێست جوان دەبێت:
گۆشتی سور ڕەنگە ببێتە هۆی وشکبوونەوەی پێست و دەرکەوتنی پەڵە، هەربۆیە دوورکەوتنەوە لێی دەبێتە هۆی جوانبوونی پێست و پاکبوونەوەی.
