پارێزگاری هەولێر، پێشوازی لە (نازم عەوڵا) کرد و پیرۆزبای رۆژی كرێكارانی لێكرد
بەبۆنەی ڕۆژی جیهانی کرێکاران لەدیوانی پارێزگا د.فرسەت سۆفی پارێزگاری هەولێر، پێشوازی لە (نازم عەوڵا) وەک کەسێکی دیار و ماندووی چینی کرێکارانی شاری هەولێر کرد.
لەدیدارەکەدا پارێزگاری هەولێر خۆشحاڵی خۆی نیشاندا و هەموو هاوکاریی و پاڵپشتیەکی خۆشی بۆ چینی کرێکاران و کاسبکارانی شاری هەولێر نیشاندا و ڕایگەیاند، بەداخەوە بەهۆی خۆپارێزی و بەرگرتن لەبڵاو بوونەوەی ڤایرۆسی کرۆنا دەرفەت نەبوو هەموو کرێکاران ببین و پیرۆزبایی جەژنی کرێکارانی لێ بکەین، تۆمان هەڵبژارد وەک کەسێکی دیاری چینی کاسبکار و کرێکاران و خۆشەویستی شاری هەولیر و لەجیاتی هەمووان پیرۆزباییت لێ دەکەین.
نازم عەوڵا، کەسێکی ناسراو و خۆشەویستی شاری هەولێرە و ڕۆژانە لەنێو بازاڕی شاری هەولێر كاری کرێکاری دەكات و ئەو لەبارەی زۆرشتەوە قسەدەكات و تاوەكو ئێستاش چەندین گرتەی ڤیدیۆی لەیوتوب بڵاوكراوتەوە.
