لە هەولێر دوو تووشبووی دیکەی ڤایرۆسی کۆڕۆنا چاکبوونەوە
بەڕێوەبەرایەتی تەندروستی هەولێر ـچاکبوونەوەی دوو تووشبوی دیکەی ڤایرۆسی کۆرۆنای ڕاگەیاند.
بەڕێوەبەرایەتی تەندروستی هەولێر لە ڕاگەیێندراوێکدا چاکبوونەوەی دوو تووش بووی دیکەی ڤایرۆسی کۆڕۆنای ڕاگەیاند و هاوکات ڕایگەیاند ژمارەی ئەوانەی لە سنوری بەڕێوەبەرایەتیەکەیان چاکبوونەتەوە گەیشتۆتە ۱٦۹کەس
دەقی ڕاگەیێندراوەکە
ڕاگەیەندراوێک بۆ هاوڵاتیانی شاری هەولێر
• هاوڵاتیانی خۆشەویستی شاری هەولێر پێتان ڕادەگەیەنین کە (۲) نەخۆشی تووشبوو بە ڤایرۆسی کۆڕۆنا COVID – 19 دوای وەرگرتنی چارەسەری پزیشکی بەتەواوی چاکبوونەتەوە و باری تەندروستییان تەواو جێگیر بۆتەوە، وە پشکنینی تایبەتی یەکیان لەدوای یەکی بۆ کرایەوە کە نێگەتیڤ بوو و بڕیاردرا بنێردرێنەوەماڵەوە.
• کۆی گشتی چابووەکان گەیشتە (۱٦۹) کەس.
• سوپاسی پابەندبوونتان دەکەین بۆ ڕێنماییە
خۆپارێزییەکان، جێبەجێکردنی ڕێنماییەکان زامنی زاڵبوونمانە بەسەر ئەم پەتا جیهانیە.
• زۆر سوپاسی ماندووبوونی تەواوی پزیشکان و کارمەندانی تەندروستی و تەواوی هێزەکانی ناوخۆ دەکەین کە پارێزگاری لە تەندروستی هاوڵاتیان دەکەن.
د. دلۆڤان محمدفاتح جلال
بەڕێوەبەری گشتی تەندروستی هەولێر
٣ی ئایاری ۲٠۲٠
