په‌رله‌مانی كوردستان رۆژی چوارشه‌ممه كۆده‌بێته‌وه
په‌رله‌مانی كوردستان له بانگهێشت نامه‌یه‌كدا بانگهێشتی گشت ئه‌ندامانی په‌رله‌مانی كوردستان ده‌كات كه به پشت به ستن به حوكمی برگه‌ی سێیه‌می له مادده‌ی هه‌ژده‌ی په‌یره‌وی ناوخۆی په‌رله‌مانی كوردستان – عێراق بڕیارماندا بانگهێشتی گشت ئه‌ندامانه به‌ڕێزه‌كانی په‌رله‌مانی بكه‌ین بۆ دانیشتنی ژماره ٢-ی ئاسایی خوله به‌هاره‌ی ساڵی دووه‌م له خولی هه‌ڵبژاردنی پێنجه‌می په‌رله‌مانی كودستان كاتژمێر ١٢ نیوه‌ڕۆی رۆژی چوارشه‌ممه رێككه‌وتنی ٦/ ٥ /٢٠٢٠ تكایه له كاتی دیاریكراو ئاماده‌بن.
هه‌روه‌ها په‌رله‌مان به‌رنامه‌ی كاری دانیشتنی رۆژی چوارشه‌ممه‌ی راگه‌یاندووه كه به‌م شێوه‌یه ده‌بێت، یه‌كه‌م خوێندنه‌وه‌ی یه‌كه‌می پێشنیاری بڕیاری پێشكه‌ش كردنی پێشنیازه یاسا و پێشنیازه بڕیار له لایه‌ن ئه‌ندامانی په‌رله‌مان به ده‌ر له حوكمی مادده‌ی هه‌شتا و دووی په‌یره‌وی ناوخۆ، به پێی حوكمی مادده‌كانی حه‌فتا و نۆ و هه‌شتا و هه‌شتا و دوو له په‌یره‌وه‌ی ناوخۆی په‌رله‌مانی كوردستان.
دووه‌م خستنه رووی و گفتوگۆكردنی پڵانی وه‌زاره‌تی خوێندنی باڵا و توێژینه‌وه‌ی زانستی و وه‌زاره‌تی په‌روه‌رده سه‌باره‌ت به مامه‌له‌كردن له‌گه‌ڵ لێكه‌وته‌كانی په‌تای كۆرۆنا له‌سه‌ر پڕۆسه‌ی خوێندنی ساڵی دووهه‌زار و نۆزده دووهه‌زار و بیست.
