201 هاووڵاتی لە تورکیاوە گەرێندرانەوە هەرێمی کوردستان
سەفین دزەیى بەرپرسى فەرمانگەى پەیوەندیەکانى دەرەوەى حکومەت لە لێداوانیكدا بۆ ڕاگەیاندنەکان گوتی : بە پێی راسپاردەکانی سەرۆكی حكومەتی ھەرێمی كوردستان ،بە ھاوئاهەنگی نێوان فەرمانگەی پەیوەندییەكانی دەرەوەی حكومەتی ھەرێمی كوردستان و وەزارەتی دەرەوەی عێراقى فیدراڵ، ئەمڕۆ 201 هاوڵاتى کە پێک هاتبوون لە نەخۆش و قوتابى لە ئەنقەرەو ئیستەنبۆڵ بە دوو فڕۆکە ی تایبەت گەرێندرانەوە هەرێمی کوردستان .
لە درێژەی قسەکانیدا سەفین دزەیی سوپاسی هەموو ئەولایەن و دەزگا پێوەندیدارانەی کرد لە گەڕانەوەی هاووڵاتیاندا رۆڵیان گێڕاوە و هاوکاتیش سوپاسی هەردووک وەزارەتی تەندروستی و فڕۆکەوانی کرد کە ئەرکی ئەوان بەرچاوتر بووە وەک کار ئاسانی زیاتر لەم بوارەدا .
لە کۆتاییشدا ئاماژە بەوە دەکات ، ئەو هاووڵاتیانەی گەڕاونەتەوە ، بە پێی یاسای دیاریکراو لە چوارچێوەی بەرەنگاربوونەوەی ڤایرۆسی کۆرۆنا دەبێت 14 رۆژ لە کەرەنتینەدا بێننەوە .
