لە عێراق ٦۰ کەسی دیکە تووشی کۆرۆنا بوون
دوای ئەوەی ڤایرۆسی کۆرۆنا لە عێراق بڵاوبووەوە تا ئێستا دوو هەزار و 603 کەس لە عێراق و هەرێمی کوردستان تووشی کۆرۆنا بوون، 104 تووشبوو گیانیان لەدەستداوە، هەزار و 661 کەسیش چاکبوونەتەوە.
ئەمڕۆ وەزارەتی تەندروستی و ژینگەی عێراق لە ڕاگەیێندراوێکدا تووشبوونی 60 کەس و گیانلەدەستدانی دوو کەسی دیکەی بە کۆرۆنا لە پارێزگا جیاوازەکانی وڵاتەکە راگەیاند.
بەغدا زۆرترین تووشبووی کۆرۆنای لێ تۆمارکراوە کە 19 کەس لە کەرخ، 12 لە رەسافە و سێ کەسیش لە شاری پزیشکین.
لە راگەیێندراوی وەزارەتی تەندروستی و ژینگەی عێراقدا هاتووە، دوو هەزار و 337 پشکنینی کۆرۆنا لە 24 کاژێری رابردوو ئەنجامدراون و تاوەکو ئێستاش 122 هەزار و 941 پشکنین ئەنجامدراون.
لە ئەنجامی ئەو پشکنینانە 60 کەسیان پۆزەتیڤ دەرچوون کە بەپێی پارێزگا و ناوچەکان بەمشێوەن:
رەسافەی بەغدا: 12 تووشبوو
کەرخ: 19 تووشبوو
شاری پزیشکی: سێ تووشبوو
دیالە: یەک تووشبوو
میسان: نۆ تووشبوو
بەسرە: 12 تووشبوو
زیقار: دوو تووشبوو
سەلاحەددین: دوو تووشبوو
بەپێی ئامارەکانی تەندروستیی عێراق، دوو کەس لە رەسافە و شاری پزیشکیی بەغدا بە کۆرۆنا گیانیان لەدەستداوە.
لە راگەیێندراوی وەزارەتی تەندروستی و ژینگەی عێراقدا هاتووە، 35 تووشبووی کۆرۆنا چاکبوونەتەوە کە لە بەغدا، کەرکووک، بابل، بەسرە، زیقار، هەولێر، میسان و نەجەفن.
