پۆلیسی هه‌ولێر: به‌كاربه‌رێكی مادده‌ی هۆشبه‌ری ده‌ستگیر كرد
دوای ئه‌وه‌ی له ماوه‌ی رابردوو به‌ڕێوه‌به‌رایه‌تی پۆلیسی هه‌ولێر توانیان دوو كه‌سی به ره‌گه‌ز غانی له هه‌ولێر ده‌ستگیر بكه‌ن كه ده‌یان ویست بڕی سێ ملیۆن دۆلاری ساخته له بازاڕه‌كانی هه‌رێمی كوردستان ساغ بكه‌نه‌وه، پۆلیسی هه‌ولێر ئه‌مڕۆ ده‌ست گیر كردنی به‌كاربه‌رێكی مادده‌ی هۆشبه‌ی راگه‌یاند.
به پێی راگه‌یێندراوێكی بەڕێوەبەرایەتیی پۆلیسی پارێزگای هەولێر، به‌ڕێوه‌به‌رایه‌تیه‌كه‌یان توانیویانه كەسێكی بە ناوی (ھ.ر.ح) بە تۆمەتی بەكارهێنانی ماددەی هۆشبەر لە جۆری (كریستاڵ) دەستگیر كرد، كە لە كاتی دەستگیركردنیدا بڕێك ماددەی هۆشبەری لابوو.
هه‌روه‌ها راشیگه‌یاندووه كه تۆمەتباره‌كه پێشینەی تاوانی هەیە و پێشر لەسەر دزیکردن دەستگیر کراوە، دانی نا بە تاوانەكەیدا، بۆیە پەڕاوی لێكۆڵینەوەی بۆ رێكخرا وبەپێی ماددە (14)ی هۆشبەرەكان ، بەند كراوە.
