خۆپیشاندان لە دژی حکومەتەکەی کازمی دەستی پێکرد
خۆپیشاندەران داوای دەستگیرکردنی هادی عامری و قەیس خەزعەلی دەکەن
لە شەش پاریزگای عێراق و یەک لە هەرە گرینگەکان واتە لە بەغداش خۆپیشاندەران ڕژانەوە سەرشەقامەکان و داوای هەڵوەشانەوەی حکومەتەکەی مستەفا کازمی دەکەن .
بە پێی ئەو ڤیدیانەی لە سۆشیال میدیا و ڕاگەیاندنە عەرەبیەکانەوە بڵاو کراونەتەوە ، هەر ئێستا لە بەغدای پایتەخت خۆپیشاندەران دروشمی دژی حکومەتەکەی کازمیان بەرز کردۆتەوە .
خۆپیشاندەران ڕایان وایە ئەم حکومەتەش ، هاوبەشێکە لە ئەمریکا و ئێران و هیچ خێر و بێری بۆ گەلانی ناو عێراق نابێت ، چونکە تا ئێستا دووکەسی سەرەکی و تاوانبار کە دەستیان لە ڕژانی خوێنی لاوانی عێراقی دا بووە دەستگیر نەکراون .
خۆپیشاندەران ڕاستەوخۆ ناوی هادی عامری و قەیس خەزعەلی وەک بکوژانی سەرەکی ناودەبەن ودەڵێن مادام ئەو حکومەتەش توانای دەستگیر کرانی ئەوانی نییە ، واتە حکومەتێکی کارتۆنییە و دەبێت هەڵوەشێتەوە
