بەرپرسانی پارتی و یەکێتی داوای ئاسایی کردنەوەی پێوەندییەکان دەکەن
لە لێداونێکدا بۆ ڕاگەیاندنەکان چەندین بەرپرسی پارتی دیموکراتی کوردستان و یەکێتی نشتیمانی داوای ئاسایی بوونەوەی پێوەندییەکانی نێوان هەر دووک لا دەکەن و پێیان وایە نوێ کردنەوەی ڕێکەوتنەکان دەتوانێت چارەسەری گرژییەکانی ئێستا بکات .
لەمبارەوە سۆران جەمال تاھیر – ئەندامی سەرکردایەتی یەکیتی دەڵێت : بڕیاری ئاسایی کردنەوەی گرژییەکانمان لە گەڵ پارتی داوەو و رێکەوتنەکانیش نوێ دەکەینەوە .
هاوکات حەسەن جەباری ، گارگێڕی لقی 4ی پارتی دیموكراتی كوردستانیش ڕای وایە ، هۆی پەرەپێدانی گرژییەکانی نێوانیان میدیاکانن ، دەنا تا ئەو ڕادە لێک تێنەگەیشتنمان لە نێوان دا نییە .
ئەو لێداونانەش دوای ئەوە بە ڕاگەیاندن کرا کە نێچیرڤان بارزانی سەرۆکی هەرێمی کوردستان لە سەردانێکدا بۆ سلێمانی و کۆبوونەوە لە گەڵ بەرهەم ساڵح ، پێداگر بوون لە ئاسایی کردنەوەی دۆخەکە و چارەسەری هەموو کێشەکان لە بەرژەوەندی گشتیدا .
