گوته‌بێژی حكومه‌تی هه‌رێم: هه‌وڵده‌ده‌ین به‌ر له جه‌ژنی ره‌مه‌زان مووچه‌ی سه‌رجه‌م وه‌زاره‌ته‌كان دابه‌شبکرێت
دوای ئه‌وه‌ی له ماوه‌ی رابردوو چه‌ند وه‌زاره‌تێك مووچه‌یان به‌سه‌ر دابه‌شكرا به‌ڵام تا ئێستا زۆربه‌ی وه‌زاره‌ته‌كان مووچه‌یان پێنه‌دراوه‌و،گوتەبێژی حکومەتی هەرێمی کوردستان دابەشنەکردنی مووچە بۆ کەمبوونەوەی داهاتی حکومەت، دابەزینی نەوت و نەناردنی بودجە لەلایەن بەغداوە دەگەڕێنێتەوە و دەڵێت: “هەموو هەڵێک دەدەین پێش جەژن مووچەی هەموو وەزارەتەکان بدەین”.
جووتیار عادل، گوتەبێژی حکومەتی هەرێمی کوردستان لە كۆنگره‌یه‌كی رۆژنامه‌وانیدا : ” دابەزینی نرخی نەوت وایکردووە داهات زۆر کەمببێتەوە و کورتهێنانێکی زۆر لە داهاتی هەرێمی کوردستاندا هەیە”.
گوتەبێژی حکومەتی هەرێمی کوردستان رایگەیاند: “لە مانگەکانی داهاتوودا مووچە بەگوێرەی داهات رێکدەخەینەوە . هەر داهاتێکیش لەبەردەستماندا بێت بۆ مووچە تەرخانی دەکەین”.
هه‌روه‌ها راشیگه‌یاندووه (“حکوومەتی هەرێم لە هێڵە گشتییەکانی بەرنامەی خۆیدا لامه‌ركه‌زیه‌تیرایگەیاندووە و بڕوای بە شۆڕکردنەوەی دەسەڵاتەکانی هەیە و بەڵێن دراوە و جێبەجێ دەکرێت. ئەمە تەنها بۆ پارێزگایەک نییە و بۆ هەر چوار پارێزگایە”.
گوته‌بێژی حكومه‌ت راشیگه‌یاند كه له باره‌ی كێشه‌كانی نێوان هه‌ولێر و به‌غدا دەستوور بنچینەی چارەسەری کێشەکانمان دەبێت
