سەرۆکی هەرێم پەیامێکی پیرۆزبایی ئاراستەی یەکێتی مامۆستایان دەکات
سەرۆکی هەرێمی کوردستان پەیامێکی پیرۆزبایی ئاراستەی یەکێتی مامۆستایان دەکات بەبۆنەی سالڕۆژی دامەزرانی رێکخراوی یەکێتی مامۆستایان.
لە پەیامەکەی سەرۆکی هەرێمدا هاتووە له يادى په‌نجا و هه‌شت ساڵه‌ى دامه‌زراندنى يه‌كێتيى مامۆستايانى كوردستاندا، گه‌رمترين پيرۆزبايى له يه‌كێـتيى مامۆستايانى كوردستان و ته‌واوى مامۆستايانى كورستان ده‌كه‌م، هيواى سه‌رفرازى و سه‌ركه‌وتنى به‌رده‌واميان بۆ ده‌خوازم، به ڕێز و پێزانينه‌وه له هه‌وڵ و ماندووبوون و له خه‌بات و قوربانيدان و تێكۆشانيان بۆ په‌روه‌رده‌كردن و پێگه‌ياندنى نه‌وه‌كانى كوردستان، ده‌ڕوانين.
هەروەها لە پەیامەکەیدا سەرۆکی هەرێم ئاماژە بەوە دەکات کە مامۆستايانى كوردستان له سه‌رده‌مى شۆڕش و له ئازاديشدا هه‌ميشه پێشه‌نگانه، ڕۆڵێكى ديار و گه‌وره‌يان له په‌روه‌رده‌كردن و پێگه‌ياندنى تاكى كوردستانيدا گێڕاوه و ده‌گێڕن، له ئاڵۆزترين و سه‌ختترين ڕۆژگاريشدا ده‌ستيان له ئه‌رك و په‌يامى پيرۆزى په‌روه‌رده‌يى و فێركارى هه‌ڵنه‌گرتووه و هه‌رگيز نه‌يانهێشتووه ڕۆڵه‌كانى كوردستان، بێ خوێندن بمێننه‌وه.
دەقی پەیامی سه‌رۆكى هه‌رێمى كوردستان بۆ يادى دامه‌زراندنى يه‌كێـتيى مامۆستايانى كوردستان
له يادى په‌نجا و هه‌شت ساڵه‌ى دامه‌زراندنى يه‌كێتيى مامۆستايانى كوردستاندا، گه‌رمترين پيرۆزبايى له يه‌كێـتيى مامۆستايانى كوردستان و ته‌واوى مامۆستايانى كورستان ده‌كه‌م، هيواى سه‌رفرازى و سه‌ركه‌وتنى به‌رده‌واميان بۆ ده‌خوازم، به ڕێز و پێزانينه‌وه له هه‌وڵ و ماندووبوون و له خه‌بات و قوربانيدان و تێكۆشانيان بۆ په‌روه‌رده‌كردن و پێگه‌ياندنى نه‌وه‌كانى كوردستان، ده‌ڕوانين.
مامۆستايانى كوردستان له سه‌رده‌مى شۆڕش و له ئازاديشدا هه‌ميشه پێشه‌نگانه، ڕۆڵێكى ديار و گه‌وره‌يان له په‌روه‌رده‌كردن و پێگه‌ياندنى تاكى كوردستانيدا گێڕاوه و ده‌گێڕن، له ئاڵۆزترين و سه‌ختترين ڕۆژگاريشدا ده‌ستيان له ئه‌رك و په‌يامى پيرۆزى په‌روه‌رده‌يى و فێركارى هه‌ڵنه‌گرتووه و هه‌رگيز نه‌يانهێشتووه ڕۆڵه‌كانى كوردستان، بێ خوێندن بمێننه‌وه.
مامۆستايان كه يه‌كێك له گرنگترين توێژه‌كان و ستوونێكى سه‌ره‌كيى پێشكه‌وتنى هه‌موو كۆمه‌ڵگه‌يه‌كن، به‌دڵنياييه‌وه شايسته‌ى ژيان و گوزه‌رانى باشترن و له‌م ياده‌دا هه‌موو پشتگيرييه‌كمان بۆ مافه‌كانيان دووپات ده‌كه‌ينه‌وه. سوپاسيان ده‌كه‌م، ده‌ستى ماندووبوونيان ده‌گوشم و پيرۆز و شكۆدار بێت يادى دامه‌زراندنى يه‌كێتيى مامۆستايانى كوردستان.
نێچيرڤان بارزانى
سه‌رۆكى هه‌رێمى كوردستان
14/5/2020
