عێراق : 150 حاڵەتی نوێ تووشبوون بە کۆرۆنا تۆمار کرا
كۆرۆنا خەریكە تەنگ بە عیراق هەڵدەچنێت، ماوەی چەند ڕۆژێكە بەردەوام ژمارەی تووشبووان بە ڤایرۆسی كۆرۆنا لە عیراق ڕوو لە زیادبوونە و ئەمڕۆ دووشەممە 150 كەس تووشبوون و 92 كەسیش چاكبوونەوە 4 كەسیش گیانیان لەدەستداوە .
وەزارەتی تەندروستی عیراق لە بەیاننامەیەكدا ئاماژەی بەوەكردووە، كە ئەمڕۆ دووشەممە 3 هەزار و 520 پشكنین ئەنجامدراوە و لە ئەنجامدا 150 كەس ئەنجامی پشكنینەكانیان پۆزەتیف دەرچوون ، كە زۆرینەیان لە بەغدا بوون و 9 كەسیش لە سلێمانی تۆماركراوە.
به‌غدا/ روسافه: 45 حاڵه‌ت
به‌غدا/ كه‌رخ: 45 حاڵه‌ت
به‌غدا/ شاری پزیشكی: 30 حاڵه‌ت
به‌سره: 7 حاڵه‌ت
نه‌جه‌ف: 3 حاڵه‌ت
واست: 3 حاڵه‌ت
كه‌ربه‌لا: 2 حاڵه‌ت
موسه‌ننا: 3 حاڵه‌ت
دیاله: 2 حاڵه‌ت
نه‌ینه‌وا: 1 حاڵه‌ت
سلێمانی: 9 حاڵه‌ت
دیاله: 5 حاڵه‌ت
سه‌ڵاحه‌دین: 2 حاڵه‌ت
هاوکات لە راگەیاندراوەکەدا ئامژە بەوە کراوە له ماوه‌ی شه‌و و رۆژێكدا 4 كه‌س له به‌غدا به‌هۆی په‌تاكه گیانیان له‌ده‌ستداوه، یه‌كیكیان له له ناوچه‌ی روسافه و یه‌كیكیان له ناوچه‌ی كه‌رخ و دووانیش له ناوچه‌ی شاری پزیشكیی، له‌كاتێكدا 92 حاڵه‌تی چاكبوونه‌وه له ڤایرۆسه‌كه راگه‌یه‌ندرا، وه‌ك ئه‌مه‌ی خواره‌وه:
به‌غدا/ روسافه: 48 حاڵه‌ت
به‌غدا/ كه‌رخ: 19 حاڵه‌ت
به‌غدا/ شاری پزیشكی: 4 حاڵه‌ت
به‌سره: 20 حاڵه‌ت
سه‌ڵاحه‌دین: 1 حاڵه‌ت
بە گشتی ژمارهی تووشبووان گه‌یشته 3 هه‌زار و 554 حاڵه‌ت، له‌و ژماره‌یه‌ش 127 كه‌س به‌هۆی ڤایرۆسه‌كه‌وه گیانیان له‌ده‌ستداوه و 2 هه‌زار و 310 كه‌سیش به ته‌واوی چاك بوونه‌ته‌وه و هه‌زار و 117 كه‌سیش هێشتا له نه‌خۆشخانه‌كان ماونه‌ته‌وه.
