ئیدارهی گهرمیان: له سێ رۆژی جهژن هیچ كهسێك بۆی نیه له پارێزگاكانی دیكه بۆ گهرمیان بێت و به پێچهوانهشهوه له سنوری ئیدارهی گهرمیان بچێته دهرهوه
![](https://xwakurk.com/wp-content/uploads/2020/04/2-6.jpg)
دوای ئهوهی وهزارهتی ناوخۆی حكومهتی ههرێمی كوردستان بڕیاری ژماره 35 له بارهی قهدهغهی هاتووچۆ له رۆژانی جهژن راگهیاند، لهم چوار چێوهیه ئهمڕۆ ئیدارهی گهرمیان و ژووری ئۆپراسیۆنی گهرمیان كۆبوونهوه دوای كۆبوونهوهكهش راگهیێندراوێكیان بڵاو كردهوه.
به پێی راگهیێندراوهكهی ئیدارهی گهرمیان، ئەمڕۆ ژوری ئۆپەراسیۆنی گەرمیان بۆ پلانی جەژنی رەمەزان كۆبۆتەوە و بەپشتبەستن بەبەیانی ژمارە 35ی وەزارەتی ناوخۆ بۆ ماوەی 72 كاتژمێر لەیەكەم ڕۆژی جەژنی پیرۆزی ڕەمەزانەوە هاتووچۆ ڕادەگیرێت، پێویستە هاووڵاتیان لە پێناو پاراستنی تەندروستی گشتیدا پابەند بن پێیەوە.
هەر بەپێی راگەیەندراوەكە و بەپێی بڕگەی دووەمی بەیانی ژمارە(35) ی وەزارەتی ناوخۆ هاتووچۆی نێوان پارێزگاو ئیدارە سەربەخۆكان ڕادەگیرێت، بەو پێیە رێگا بەهیچ كەسێك نادرێت لەپارێزگاكانی دیكەی ھەرێم بەئاراستەی گەرمیان ھاتوچۆ بكات یان بەپێچەوانەوە بڕوات.
هەروەها ڕێگەی نێوان ئیدارەی گەرمیان و ناوچەكانی ژێر دەسەڵاتی حكومەتی عێراقی كە رێگاكانی (كەلارـ جەلەولا) (كەلارـ خانەقین) (كفری ـ خورماتوو) (كفری ـ جەبارەو قەرەتەپە) دەگرێتەوە، دادەخرێت، لەڕۆژانی جەژنی ڕەمەزاندا سەرجەم بازاڕ و شوێنە گەشتیاری و گشتیەكان دادەخرین ڕێگانادرێت بە گێڕانی پرسەو نۆجەژنە و چونە سەرقەبران، پاركەكان و شوێنی یاری منداڵانیش دادەخرێن.
راگەیەندراوەكە ئاماژەی بەوەكردووە، تیمەكانی تەندروستی و ئێشكگرییەكانی بەرێوەبەرایەتییە ئەمنی و خزمەتگوزارییەكان لەئەركدا دەبن و لەخزمەتی هاووڵاتیاندا دەبن