زانیارییەکانی دەزگای میدیایی خواکوڕک بۆ دابەشکردنی مووچەی خانەنشینی پشتڕاست کرایەوە
رۆژی ڕابردوو ، دەزگای میدیایی خواکوڕک بە پشتبەستن بە سەرچاوەیەک لە وەزارەتی دارایی ئاشکرای کرد رۆژی پێنج شەممە مووچەی خانە نشینان دابەشدەکرێت .
لەمبارەوە ئەمڕۆ وەزارەتی دارایی لە ڕاگەیاندرواێکدا ئاماژە بەوە دەکات رۆژی پێنجشەممە مووچەی خانەنشینی پێشمەرگە دابەشدەکرێت و رۆژانی هەینی و شەممە ش مووچەی خانەنشینی مەدەنی خەرج دەکرێت .
ئەوە لە کاتێکدایە ئەمڕۆ چوارشەممە ، مووچەی مانگی 1ی ئەمساڵی وەزارەتەکانی گواستنەوە و گەیاندن، خوێندنی باڵا و توێژینەوەی زانستی، گەشتوگوزار، کارەبا، کشتوکاڵ و سەرچاوەکانی ئاو، رۆشنبیری و لاوان، ئاوەدانکردنەوە و نیشتەجێکردن، هەشت دەستە و سەرۆکایەتییەکانی هەرێمی کوردستان و پەرلەمان و ئەنجوومەنی وەزیران دابەشکرا
