جەندەرمەکانی تورکیا هاوشێوەی سوپای پاسدارن ، دەستیان کردووە بە کوشتنی کۆڵبەرانی کوردی رۆژهەڵات
ڕێکخراوی مافی مرۆڤی هەنگاو لە هەوالێکدا ئاشکرای دەکات بە رەبەیانی هەینی 22/5/2020 جەندرمەکانی تورکیا لە بەرزاییەکنی ” خەجێ خاتوون ” لە سەر سنووری تورکیا کۆڵبەرانی کوردیان داوەتە بەر دەسترێژی ڕاستەوخۆ.
لە ئاکام دا هاووڵاتییەکی خەڵکی ماکۆ کوژراوەو 3 کەسی تریش بریندار بوون .
ناسنامەی ئەو کۆڵبەرەی کە کوژراوە “قادر یادسار” تەمەن ٢٢ ساڵ و خەڵکی گوندی “دێم قشڵاق” سەر بە ماکۆ ڕاگەیەندراوە و خاوەنی دومنداڵە و ناسنامەی بریندارەکان هەتا ئێستا بۆ هەنگاو ڕوون نەبووەتەوە.
تا کاتی بڵاو کردنەوەی ئەو هەواڵە جەندرمەکانی تورک تەرمی کوژراوەکەیان ڕادەستی کەس وکاری نەکردۆتەوەو بریندارەکانیش دەستبەسەرن و چارەنووسیان تا ئیستا روون نییە
بەپشتبەستن بە ئاماری تۆمار کراو لە ناوەندی ئامار و بەڵگەنامەکانی ڕێکخراوی مافی مرۆڤی هەنگاو، لە یەک هەفتەی ڕابردوودا هێزەکانی تورکیا دوو کۆڵبەری کوردیان کوشتووە و لانیکەم ٤ کەسی دیکەشیان بریندار کردووە.
