بكوژی پۆلیسە سەربڕاوەکەی کەرکووك ده‌ستگیركرا
ئه‌مڕۆ چوارشه‌ممه یه‌كێك له تۆمه‌تبارانی بكوژی پۆلیسه‌كه‌ی كه‌ركوك، كه یه‌كه‌م رۆژی جه‌ژنی ره‌مه‌زان دوای كوشتنی له ناو ئۆتۆمبێلێكی پیكابدا به‌سه‌ربڕدراوی دۆزرایه‌وه ده‌ستگیركرا کە ژنە.
به‌گوێره‌ی راگه‌یه‌ندراوێكی نوسینگه‌ی د. بەشیر حەداد جێگری سه‌رۆكی ئه‌نجومه‌نی نوێنه‌رانی عێراق بڵاویكردۆته‌وه، دوای راسپاردن و لەسەر رێنمایی جێگری سەرۆکی ئەنجوومەنی نوێنەرانی عێراق، پۆلیسی فریاکەوتنی کەرکووک هەوڵەکانیان چڕکردەوە بۆ دەستنیشانکردن و دەستگیرکردنی تۆمەتبارانی بکوژی بەهجەت ئەنوەر، لە ئەنجامدا ئافرەتێکیان دەستگیرکرد کە یەکێکە لە تۆمەتبارانی ئەو رووداوە.
له‌راگه‌یه‌ندراوه‌كه‌دا ئه‌وه‌ش خراوه‌ته‌ڕو، به‌وته‌ی به‌ڕێوه‌به‌ری پۆلیسی فریاكه‌وتنی كه‌ركوك، دوای راسپاردن و له‌سه‌ر رێنمایی جێگری سه‌رۆكی ئه‌نجومه‌نی نوێنه‌ران هه‌وڵه‌كانیان چڕكرده‌وه بۆ ده‌ستنیشانكردن و ده‌ستگیركردنی تۆمه‌تبارانی بكوژی به‌هجه‌ت ئه‌نوه‌ر و له ئه‌نجامدا ئافره‌تێكیان ده‌ستگیر كرد كه یه‌كێكه له تۆمه‌تبارانی ئه‌و روداوه.
