هەولێر : دوو تووشبووی کۆرۆنا چاکبوونەتەوە
د. دلۆڤان محەممەد فاتح جەلال، بەڕێوەبەری گشتی تەندروستی هەولێر لە راگەیاندراوێکدا ئاشکرای دەکات دوو تووشبووی ڤایرۆسی کۆرۆنا لە دوای وەرگرتنی چارەسەر چاک بوونەوەو گەڕاونەتەوە سەر ژیانی ئاسایی .
دەقی راگەیێندراوی بەڕێوەبەری گشتیی تەندروستیی هەولێر:
ڕاگەیەندراوێک بۆ هاوڵاتیانی شاری هەولێر
- هاوڵاتیانی خۆشەویستی شاری هەولێر پێتان ڕادەگەیەنین کە (۲) نەخۆشی تووشبوو بە ڤایرۆسی کۆڕۆنا COVID – 19 دوای وەرگرتنی چارەسەری پزیشکی بەتەواوی چاکبوونەوە و باری تەندروستییان تەواو جێگیر بۆتەوە، وە پشکنینی تایبەتی یەکیان لەدوای یەکییان بۆ کرایەوە کە نێگەتیڤ بوو و بڕیاردرا بنێردرێنەوەماڵەوە.
- کۆی گشتی چابووەکان گەیشتە (۲۱۷) کەس.
- سوپاسی پابەندبوونتان دەکەین بۆ رێنماییە خۆپارێزییەکان، جێبەجێکردنی ڕێنماییەکان زامنی زاڵبوونمانە بەسەر ئەم پەتا جیهانیە.
- زۆر سوپاسی ماندووبوونی تەواوی پزیشکان و کارمەندانی تەندروستی و تەواوی هێزەکانی ناوخۆ دەکەین کە پارێزگاری لە تەندروستی هاوڵاتیان دەکەن.
د. دلۆڤان محمدفاتح جلال
بەڕێوەبەری گشتی تەندروستی هەولێر
۲۸ی ئایاری ۲٠۲٠
