سعودیه 1881 كه‌س تووشی كۆرۆنا بوون و 22 كه‌سیش گیانیان له‌ده‌ستدا
وه‌زاره‌تی ته‌ندروستیی سعوودییه ڕایگه‌یاند كه ژماره‌ی تووشبووان به ڤایرۆسی كۆرۆنا له‌و وڵاته 87142 تووشبووی تێپه‌ڕاند پاش ئه‌وه‌ی له 24 كاتژمێری ڕابوردوودا 1881 كه‌سی دیكه تووشی ڤایرۆسه‌كه بوون و 22 تووشبووش گیانیان له ده‌ستداوه.
وه‌زاره‌تی ته‌ندروستیی سعوودییه ڕوونیشی كرده‌وه كه له ماوه‌ی24 كاتژمێری ڕابوردوودا 1864 تووشبوو چاك بوونه‌وه‌و به‌وانیشه‌وه ژماره‌ی ئه‌و تووشبووانه‌ی تا ئێسته چاك بوونه‌ته‌وه بۆ 64306كه‌س به‌رزبووه‌وه.
جێی باسه دوێنێ له سعوودییه هه‌زارو هه‌‌شتسه‌دو حه‌فتاو حه‌وت كه‌س تووشی ڤایرۆسه‌كه بووبوون و بیست و سێ تووشبوویش مردبوون.
