وه‌زیری وزه‌ی ئێران به‌سه‌رۆكایه‌تی شاندێك گه‌یشته عێراق
دوای ئه‌وه‌ی كابینه‌ی نوێی عێراق ده‌ست به‌كاربوو، حكومه‌ت هه‌ولی دا ژماریه‌ك گرێبه‌ست له گه‌ڵ وڵاتی سعودیه ئه‌نجامبدات به تایبه‌ت له بواری كڕینی كاره‌با له‌و وڵاته، ئه‌مه له كاتێكدایه له ژێر فشاره‌كانی ئه‌مریكا عێراق ته‌نها چه‌ند مانگێكی دیكه ده‌توانێت كاره‌با له ئێران بكرێت، ئه‌مڕۆ بۆ تاوتوێكردنی چه‌ند پرسێك وه‌زیری وزه‌ی ئێران و چه‌ند كاربه‌ده‌ستێكی باڵا گه‌یشتنه عێراق
میدیاكانی عێراق رایانگه‌یاندووه كه ئه‌مڕۆ چوارشه‌ممه 3ی حوزه‌یرانی 2020، وه‌فدێكی باڵای ئێران به سه‌رۆكایه‌تی ره‌زا ئاردكانیان، وه‌زیری وزه‌ی ئه‌و وڵاته به سه‌ردانێكی فه‌رمی گه‌یشته فڕۆكه‌خانه‌ی نێوده‌وڵه‌تی به‌غدا، وه‌فده باڵاكه‌ی ئێران له فڕۆكه‌خانه‌ی نێوده‌وڵ‌تیی به‌غدا له‌لایه‌ن ژماره‌یه‌ك به‌رپرسی عێراقه‌وه پێشوازییان لێكرا.
میدیاكانی عیراق بڵاویانكرده‌وه كه وه‌فده‌كه‌ی ئێران له‌گه‌ڵ به‌رپرسانی عیراق له‌نێویاندا وه‌زیرانی كاره‌با و دارایی كۆده‌بێته‌وه و تاوتوێی دۆسییه هاوبه‌شه‌كانی نێوان هه‌ردوو وڵات ده‌كات.
