جاشسیزم وەک پێگهورکێ ناسیۆنالێزمێ
بیست ساڵێن دەستپێکا چەرخێ بیستێ کوردستان دناڤبەرا چوار وڵاتان دابەشکرن لدیف حەز و بەرژەوەندیێن وڵاتێن زلهێز، زۆربەیا کوردان ئەف پارچە بون و داگیر کارییە فەهم نەکرن ونەبویە جهێ گرنگی پێدان و هەولوێست وەرگرتن و رەتکرنێ لدەف ئەوان، دشێن بێژین ئەف چەندە ژی ڤەدگەریت ژبو نە هوشیار‌ی لاوازیا هەستێ نەتەوایەتی و نەبونا سەرکردە وسەرکردایەتیکرنەکا ژیر، دوێ قوناغێدا کورد زێدەتر مژویلی بیرو باوەرێن ئولی و عەشیرەتگەری و بهێز‌کرنا نەیارێن خۆەبون.
هندەک پارت و گرۆپ و بزوتنەوەیێن سیاسی پەیدابون لهەر چوارپارچەیان لێ نەشیان وەک پێتڤی تۆڤێ ناسیۆنالێزمێ لسەر‌جوگرافیا کوردستانێ بچینن تاوەکو شورەشا ئەیلولێ بەرپابویل سالا1961ێ بتەمامی شورەشەکا نەتەوەی و هەمی هەوڵێن وێ بۆ ئازادایا کوردستانێ بو، ئەڤ چەندەژی بویە جهێ نەرازیبون و دژاتیکرنێ ژلاێ دۆژمنێن مەیێن نەتەوەیڤە، مخابن شیان د پێنج سالیا ژیێ شوڕشا کوردیدا ل سالا1966 بنیاتێ جاشسیزمێ دابنن و هندەک گیلە کورد بین دار دەست وجێبەجێکەرێن وێ رو ڕەشیێ وتا نهاژی وەک قوتابخانەیەک خەلکێ پەروەردە دکەن.
جاشسیزم بشێوەیەکێ پلان بۆ دارشتی و ب پشتگریا وڵاتێن داگیر کەر پەرە پێهاتەدان و دچەند قوناغەکاندا دەربازبویە ل شاخ بناڤێ شورشا نۆی و پاشان ب رییا کور وسمینار و رۆژنامە و گوڤارێن کاغەزی ئەو ژەهر دارشتن دناف خۆینا گەنجێن نەتەوە پارێزدا، نهاژی ب رێکا تیم وگڕوپێن مێدیای وسۆشیال مێدیا بەردەوامیێ پێددەن مخابن گەهشت وێ ڕادەی جوڵە ب هێزێن سەربازی هاتە کرن ژبو حزمەتاژدۆژمنی وسەرگرتنا پلان وستراتیژیەتێن ئەوان دژی کوردستانێ.
ئەگەر ڕاستگۆ بین تا ڕادەیەکێ سەرکەفتی بونە دپلانێن خۆەدا وە ئەگەر رێگریەکا بهێز نەبیت دێ زێدەتر گەشێ کەن بۆ نمونە: رێفرندۆم، کەرکوک، داعش، برینا مووچێ فەرمانبەرێن هەرێمێ سفکاتی پێکرنا ئالاێ پیرۆزی کوردستانێ وهتد.. ئەڤە مەترسیێن هەری مەزن بین لسەر‌ئەمن و ئاسایش حوکمرانیا ساڤایا هەرێما کوردستانێ، لێ بەشەکێ زۆرێ خەلکێ کوردستانێ بێدەنگبون و بگرە ئالگرێن ڤێ چەندێ ژیبون ئەوێن دژی ڤێ یەکێ ژی بێ هەلویست و تەماشەڤان بین.
لژێر سیبەرا دیموکراسی و ئازادیا ڕادەربرینێ هەوڵا چەسپاندنا جاسیزمێ ددەن لجهێ ناسیونالیزمێ ل هەرێما کوردستانێ، مخابن دڤیا حکومەت هشیار تربیت و ب ژیرانەتر سەرەدەریێ بکەت دگەل ڤی سیستەمێ دژە کورد و کوردستانی ئەڤا نوکە ڕوی ددەت زێدەتر بەرەلایە ژ هندێ کو دیموکراسی بیت.
