وه‌زاره‌تی دارایی مووچه‌ی مانگی 11 دابه‌ش ده‌كات
خواكوڕك
وه‌زاره‌تی دارایی و ئابووری رایده‌گه‌یه‌نێت، سه‌ره‌تای هه‌فته‌ی داهاتوو ده‌ست ده‌كرێت به‌دابه‌شكردنی مووچه‌ی فه‌رمانبه‌رانی هه‌رێم له‌سه‌ر هه‌مان سیسته‌می مووچه‌ی ئه‌و ساڵه و له‌سه‌ره‌تاشدا وه‌زاره‌ته سه‌ربازیه‌كان مووچه وه‌رده‌گرن.
سه‌رچاوه‌یه‌ك له‌نێو وه‌زاره‌تی دارایی به (خواكوڕك)ـی راگه‌یاند، سه‌ره‌تای هه‌فته‌ی داهاتوو، وه‌زاره‌تی دارایی له رێگه‌ی راگه‌یاندنی لیستێكه‌وه ده‌ست به‌دابه‌ش كردنه‌وه‌ی مووچه‌ی فه‌رمانبه‌ران ده‌كات.
به‌پێی زانیاریه‌كانی ئه‌و سه‌رچاوه‌یه، له‌سه‌ره‌تادا مووچه‌ی وەزارەتی پێشمەرگە و هەردوو هێزەكانی 70و 80 دابه‌ش ده‌كرێت، و پاشان مووچه‌ی ئەنجومەنی ئاسایش دابەش دەكرێت، به‌دوای ئه‌وانه‌ش ده‌ست ده‌كرێت به‌دابه‌ش كردنی مووچه‌ی وه‌زاره‌ته‌كانی دیكه.
پێشتر به‌رپرسانی ئه‌و وه‌زاره‌ته رایانگه‌یاندبوو، ئەگەر نرخی نەوت له 50 دۆلار دانه‌به‌زێت و بارودۆخەکە وەک ئێستا بڕوات، ڕەنگە لە چەند مانگی داهاتوودا دەستکاری سیستەمی پاشەکەوتی مووچەی فەرمانبەران بکرێت.
