لە پێنجوێن دەرگای مزگەوتەکان دادەخرێت

ئەو بڕیارە لە سەر ویستی مامۆستایانی ئایینی بووە لە پێناو پاراستنی گیانی هاووڵاتیان لە مەترسی ڤایرۆسی کۆرۆنا

لەمبارەیەوە زانا رەحمان رەحیم، قایمقامی پێنجوێن لە لێداوێکدا بۆ ڕاگەیاندنەکان گوتی : لە کۆبونەوەیەکی هاوبەشدا لە نێوان بەڕێوەبەرایەتی تەندروستی، قایمقام، ناوچەی یەکێتی زانایانی ئایینی و مامۆستایانی ئایینی بڕیار دراوە بۆ داخستنی دەرگای مزگەوتەکان بۆ ماوەی چەند رۆژێک

زانا ڕەحمان لە کۆتایی قسەکانیدا دەڵێت ، لە بەر ئەوەی تا ئێستا ژمارەی تووشبووان بە کۆرۆنا لە پێنجوێن زیاتر لە 60 کەسی تێپەڕاندووە ، ناچار بووین ئەو بڕیارە بدەیین و دەبوو زووتر هەستمان بە وەها مەترسییەک کردبایە