وەزیری دەرەوەی توركیا پیرۆزبایی لە فواد حوسێن كرد
![](https://xwakurk.com/wp-content/uploads/2020/06/وەزیری-دەرەوەی-عێراق-و-توركیا.jpg)
بەپێی زانیاریی میدیای فەرمیی تورکیا، پاش ئەوەی دوێنێ دكتۆر فواد حوسێن وەك وەزیری دەرەوەی عێراق هەڵبژێردرا، وەزیری دەرەوەی تورکیا لە پەیوەندییەکی تەلەفۆنیدا پیرۆزبایی لێ کردووە.
لەمبارەوە ئاژانسی (ئەنەدۆڵوو) بڵاوی کردووەتەوە: دوای ئەوەی پەرلەمانی عێراق متمانەی بە دكتۆر فواد حوسێنی وەك كاندیدی كورد بۆ پۆستی وەزارەتی دەرەوەی عێراق دا، مەولوود چاوشۆغلوو، وەزیری دەرەوەی توركیا لە پێوەندییەكی تەلەفۆنیدا پیرۆزبایی لێ كرد و ھیوای سەركەوتنی بۆی خواستووە.
لە کۆبوونەوەکەیۆ دوێنێی پەرلەمانی عێراقدا کە بە ئامادەبوونی 247 پەرلەمانتار بەڕێوە چوو، دكتۆر فواد حوسێن کاندیدی پارتی دیموکراتی کوردستان توانی متمانە وەربگریت و ببێتە وەزیری دەرەوەی عێراق.