لە ھەولێر 26 كەسی دیكە تووشی ڤایرۆسی كۆرۆنا بوون
وەزارەتی تەندروستی هەرێم ڕایگەیاند لەبەردەوامی گەڕان بەدوای توشبوانی کۆرۆنا 26 حاڵەتی نوێ لەشاری هەولێر تۆمارکراون.
راگەیەندراوی وەزارەتی تەندروستی:.
لە بەردەوامی پشکنینەکان و گەڕان بەدوای گومانلێکراوان و تووشبووان، بیست و شەش تووشبووی دیکەی ڤایرۆسی کۆڕۆنای نوێ COVID-19 لە پارێزگای ھەولێر دەستنیشانکران، پازدە پیاو و چوار ئافرەت و سێ کچی گەنج و چوار منداڵ، شازدە تووشبوو بەرکەتووی تووشبووانی پێشوون وە حەفت تووشبوو نیشانەی نەخۆشیەکەیان هەیە و سێ تووشبووی دیکە لە بازگەی دێگەڵە دوای پشکنین پۆزەتیڤ دەرچوون.
حەوت تووشبوو دانیشتووی ناو شاری ھەولێر.
پێنج تووشبوو دانیشتووی ناحیەی خەلیفان.
چوار تووشبوو دانیشتووی گەڕەکی نەورۆز.
سێ تووشبوو دانیشتووی ناحیەی کەسنەزان.
یەك تووشبوو دانیشتووی ناحیەی دارەتوو.
یەك تووشبوو دانیشتووی کەمپی دارە شەکران.
یەك تووشبوو دانیشتووی گوندی شمام.
یەك تووشبوو دانیشتووی قەزای چۆمان.
یەك تووشىبوو دانیشتووی گەڕەکی ئەندازیاران شاری ھەولێر.
یەك تووشبوو دانیشتووی گوندی ئینگلیزی.
یەك تووشبوو دانیشتووی گەڕەکی گەڵاوێز.
وەزارەتی تەندروستی
٧ حوزەیران ٢٠٢٠
