سه‌رۆك وه‌زیرانى عێراق گه‌یشته موسڵ
له ساڵیادی داگیركردنی شاری موسڵ له‌لایه‌ن چه‌كدارانی رێكخراوی داعش، مسته‌فا كازمی، سه‌رۆك وه‌زیرانی عیراق سه‌ردانی شاری موسڵی كرد.
سه‌رله‌به‌یانیی ئه‌مڕۆ چوارشه‌ممه 10ی حوزه‌یرانی 2020، مسته‌فا كازمی، سه‌رۆك وه‌زیرانی عیراق گه‌یشته شاری موسڵ.
نوسینگه‌ی راگه‌یاندنی سه‌رۆك وه‌زیرانی عیراق له به‌یاننامه‌یه‌كدا بڵاویكرده‌وه كه سه‌ردانه‌كه‌ی كازمی هاوكاته له‌گه‌ڵ ساڵیادی داگیركردنی شاره‌كه له‌لایه‌ن چه‌كدارانی رێكخراوی داعش.
