26 كه‌سى دیكه له سنوورى پارێزگاى هه‌ولێر تووشى كۆرۆنا بوون
وەزارەتی تەندروستی رایگەیاند، 26 توشبوی دیکەی ڤایرۆسی کۆرۆنای نوێ COVID-19 لە پارێزگای ھەولێر دەستنیشانکران، هاوکات چوار توشبو لە پارێزگاکە ڤایرۆسەکەیان پەڕاندوە.
دەقی راگەیەندراوی وەزارەتی تەندروستی:.
لە بەردەوامی پشکنینەکان و گەڕان بەدوای تووشبووان، بیست و شەش تووشبووی دیکەی ڤایرۆسی کۆڕۆنای نوێ COVID-19 لە پارێزگای ھەولێر دەستنیشانکران، بیست و پێنج پیاو و منداڵێك، دوازدە تووشبوو بەرکەوتەی تووشبووانی پێشوون و چواردە تووشبوو نیشانەیان هەیە، گشت تووشبووان دانیشتووی قەزای کۆیەن لە گەڕەکەکانی چوارچرا، فیدڕالی، کەکۆن، بایزاغا، راپەڕین، ئازادی، دڵدار.
وەزارەتی تەندروستی ١٠ حوزەیران ٢٠٢٠
