رووسیا.. ١٨٣ كه‌سی دیكه به‌هۆی ڤایرۆسی كۆرۆنا گیانیان له‌ده‌ستدا
له ماوەی ٢٤ كاتژمێری رابردوودا، له رووسیا نزیكه‌ی ٩ هه‌زار حاڵه‌تی تووشبوون به كۆرۆنا تۆمار كراون و ١٨٣ كه‌سیش گیانیان له‌ده‌ستداوه.
ئەمڕۆ هەینی ژووری ئۆپراسیۆنی تایبه‌ت به به‌ره‌نگاربوونه‌وه‌ی كۆرۆنا له رووسیا، رایگه‌یاند، له ٢٤ كاتژمێری رابردوودا ٨ هه‌زار و ٩٨٧ كه‌س تووشی كۆرۆنا بوون. ژماره‌ی تووشبووانی كۆرۆنا له رووسیا گه‌یشته ٥١١ هه‌زار و ٤٢٣ كه‌س.
هه‌روه‌ها ١٨٣ حاڵه‌تی مردن تۆمار كراون و ئاماری مردووان هه‌ڵكشا بۆ ٦ هه‌زار و ٧١٥ كه‌س.
به گشتی تا ئێستا له رووسیا ٢٦٩ هه‌زار و ٣٧٠ كه‌س چاكبوونه‌ته‌وه و په‌تاكه‌یان په‌ڕاندووه.
