تەندروستی سلێمانی داوای هاوکاری لەو کەسانە دەکات لە کۆرۆنا چاکبونەتەوە
![](https://xwakurk.com/wp-content/uploads/2019/08/بهپهله.jpg)
بەڕێوەبەرایەتی گشتی تەندروستی سلێمانی داوای هاوکاری لەو کەسانە دەکات لە ڤایرۆسی کۆرۆنا چاکبونەتەوە، بەبەخشینی پلازمای خوێن.
د.یاد نەقشبەندی، وتەبێژی بەڕێوەبەرایەتی گشتی تەندروستی سلێمانی رایگەیاندووە، ۷٥ نەخۆش باری تەندروستیان ناجێگیرە و ۲٠ نەخۆشیش لە دۆخێكی خراپدان، تكایە هاوكاربن لە بەخشینی پلازمادا بۆ ڕزگاركردنی ژیانی نەخۆشەكان.
تا دێت ژمارەی توشبوان و مردووان بەڤایرۆسی كۆرۆنا لەشاری سلێمانی لەزیادبووندایە و بەهۆی دواكەوتنی موچەشەوە كارمەندانی تەندروستی مانیان گرتووە.
لە ئێستادا هەزار و 36 توشبووی کۆرۆنا لە هەرێمی کوردستان چاکبونەتەوە، وەك یەکێك لە چارەسەرەکان پلازمای خوێنی ئەو کەسانە وەردەگیرێت کە ڤایرۆسەکەیان تێپەڕاندووە و چاکبونەتەوە، تا ئێستاش چەندین کەس سودیان لەو چارەسەرە وەرگرتووە.