وەزیری دەرەوەی ئەمریكا پیرۆزبایی لە فواد حوسێن وه‌زیری ده‌ره‌وه‌ى عێراق دەكات
وەزیری دەرەوەی عێراق، فوئاد حوسێن و وەزیری دەرەوەی ئەمریكا، مایك پۆمپێۆ چۆنیەتی پتەوتركردنی هاوكارییەكانی نێوان هەردووڵاتیان لە بوارەكانی وزە، ژێرخان و وەبەرهێنان تاوتوێ كرد.
مۆرگان ئۆرتاگۆس، گوتەبێژی وەزارتی دەرەوەی ئەمریكا لە ڕاگەیاندراوێكدا ئاشكرای كرد، مایك پۆمپیۆ، وەزیری دەرەوەی ئەمریكا پەیوەندییەكی تەلەفۆنی لەگەڵ فواد حوسێن، وەزیری دەرەوەی عێراق ئەنجام داوە.
ڕوونی كردەوە كە پەیوەندییەكە بۆ پیرۆزباییكردن بووە و تێیدا پۆمپیۆ هیوای سەركەوتن و هەماهەنگی و كاری هاوبەشی لەبارەی بابەتە گرنگەكانی نێوان هەردوو وڵات خواستووە.
بەپێی راگەیەندراوەكە لە پەیوەندییە تەلەفۆنییەكەدا، هەردوولا چۆنیەتی پتەوتركردنی هاوكارییەكانی نێوان هەردووڵاتیان لە بوارەكانی وزە، ژێرخان و وەبەرهێنان تاوتوێ كردووە، لەوانە هاندانی وەبەرهێنان لە سەرجەم كەرتەكان وەك كەرتی نەوت، ژێرخان و بە گرنگیان زانیوە كە هانی وەبەرهێنەران بدرێت بۆ ئەوەی لە عێراق كاربكەن.
لە راگەیەندراوەكەدا ئاماژە بەوەیش دراوە كە لە پەیوەندییە تەلەفۆنییەكەدا، فوئاد حوسێن رایگەیاندووە، عێراق هەوڵ دەدات پەیوەندیەكی هاوسەنگ لەگەڵ سەرجەم وڵاتانی جیهان دابمەزرێنێت ئەویش پشت بەستن بە دەستوەرنەدان لە كاروباری ناوخۆ، رێزگرتن لە سەروەریی عێراق، بەدیهێنانی بەرژەوەندی هاوبەش و سەربەخۆی بڕیاری عێراق.
مایك پۆمپیۆ گوتیشی:حكوومەتی ئەمریكا رێز لە سەروەریی عێراق دەگرێت و پاڵپشتی لە حكوومەتەكەی مستەفا كازمی دەكات، هەروەها پاڵپشتی ئابووریش پێشكەش بە عێراق دەكات
