سەرۆک بارزانی پرسەنامەیەک ئاراستەی خانەوادەی مامۆستا مه‌لا حه‌مه‌ده‌مین گوێزلێنگه‌ی ده‌کات

سەرۆک بارزانی بە بۆنەی به‌بۆنه‌ی كۆچی دوایی مامۆستا مه‌لا حه‌مه‌دئه‌مین گوێزلێنگه‌ی، پێشمه‌رگه‌ی شۆڕشی ئه‌یلوول و گوڵان پرسه‌نامه‌یه‌ك ئاراسته‌ی خانه‌واده‌ی مامۆستای كۆچكردوو دەکات

به‌ناوی خودای به‌خشنده‌ و میهره‌بان

به‌ڕێزان له‌ خانه‌واده‌ی مامۆستا مه‌لا حه‌مه‌دئه‌مین گوێزلێنگه‌ی

به‌داخێکی زۆره‌وه‌ هه‌واڵی کۆچی دوایی پێشمه‌رگه‌ی شۆڕشی ئه‌یلوول و گوڵان (مه‌لا حه‌مه‌دئه‌مین گوێزلێنگه‌ی)مان پێگه‌یشت.

مامۆستا حه‌مه‌دئه‌مین گوێزلێنگه‌ی رۆڵه‌یه‌کی به‌وه‌فا و دڵسۆزی پارتی و رێبازی بارزانیی و کەسایەتییەکی نیشتیمانپەروەر بوو.

به‌م بۆنه خه‌مناکه‌وه‌ سه‌ره‌خۆشی له‌ ته‌واوی خانه‌واده‌ به‌ڕێزه‌که‌تان و خزم و ئاشنایانتان ده‌که‌م و خۆم به‌ هاوبه‌شی خه‌متان ده‌زانم.

‌لە‌ خوای گه‌وره‌ داواکارم گیانی مامۆستا مه‌لا حه‌مه‌د ئه‌مین بخاتە بەر رەحمەتی خۆی و ئۆقرەیی و ئارامییش بەھەموولایەك ببه‌خشێت.

انا للە وانا الیە راجعون

مسعود بارزانی

17ـی6ـی2020