زۆرترین حاڵەتی گیان لەدەستدان بە ڤایرۆسی کۆرۆنا لە هه‌رێمی کوردستان تۆمارکرا
ئەمڕۆ 14 حاڵەتی گیان لەدەستدان بە کۆرۆنا لە هەرێم تۆمارکراون، ئەوەش لە سەرەتای بڵاوبونەوەی ڤایرۆسەکەوە زۆرترین حاڵەتە لەیەک رۆژدا تۆمارکرابێت.
به‌گوێره‌ی زانیارییه‌كانی ده‌زگایی میدیایی (خواكوڕك)، ئەمڕۆ 8 توشبووی کۆرۆنا لە نەخۆشخانەی شەهید ئاسۆ گیانیان لەدەستداوە و کەسێکی دیکەش لەحاجیاوا گیانی لەدەستداوە، بەوەش ئەمڕۆ لە سنوری پارێزگای سلێمانی نۆ کەس گیانیان لەدەستداوە.
هاوکات تەندروستی هەولێر ئاشکرایکردوە ئەمڕۆ پێنج توشبووی کۆرۆنا کە باری تەندروستیان ناجێگیربوو گیانیان لەدەستداوە.
كه‌مێك پێش ئێستا وەزارەتی تەندروستیی حکوومەتی هەرێمی کوردستان ئاماری 24 کاتژمێری رابردووی تایبەت بە ڤایرۆسی کۆرۆنای بڵاوکردەوە کە تیایدا ئاماژە بە ئەوە دراوە کە 166 کەسی دیکە تووشی ڤایرۆسی کۆرۆنا بوون.
